Ekainaren 19an eta uztailaren 2an finkatu dituzte karruseletako prezio murriztuak

admin

Bidasoa

2014/06/16

Karruselak Ficoban

Irungo Udaleko Kultura departamentuak jakitera eman duenez, uztailaren 2ra arte zabalik egongo dira Ficoban jarritako karruselak. Ekainaren 19an eta uztailaren 2an finkatu dituzte barraketako prezio murriztuak, eta gainontzeko egunetarako tarifak ere zehaztu ditu udal gobernuak. Umeentzako karruselei dagokienez, 2,5 euroko gehienezko prezioa ezarri dute, bidaia eta pertsona bakoitzeko. Sei bidaia eginez gero, 12,5 euro kobratu ahal izango dute gehienez karruseletako arduradunek. Helduentzako barrakak 3,30 euroko prezioa izango dute bidaia eta pertsona bakoitzeko. Karrusel berezi eta berritzaileen kasuan, tarifa 4,40 eurokoa izango da asko jota. Ekainaren 19an eta uztailaren 2an, tarifa murriztuak finkatu dituzten egunetan, 1,5 euroko prezioa edukiko dute karruselek. 10:00etatik 00:00etara bitartean zabalik egongo dira feriak egunero. Egun berezietan 04:00ak arte ere ireki dezaketela jakitera eman du udalak, nahiz eta musika 00:00etan gelditu beharko duten.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.