
Biasteriko dantzariak, Arma Plazan egindako erakustaldian
Kemen Dantza Taldeak egin du berriro, Hondarribia euskal dantzaren hiriburu bihurtu du zortzigarren aldiz. Folklorearen alde ludikoa eta hezitzailea uztartuz, herritarren eta bisitarien gozamena izan diren hamaika ekitaldi antolatu ditu Kemenek asteburuan, Hondarribiko Udalaren laguntzarekin. Dantza taldearen harrobia osatzen dute Adaxkako gaztetxoz eta haurrez gain, Biasteri (Araba), Lizartza (Gipuzkoa) eta Iruñeko dantzariz bete dituzte Portuko nahiz Alde Zaharreko karrikak.