Larunbatean giza katea egingo du Gure Esku Dagok Hondarribian

admin

Bidasoa

2014/05/28

Ostiralean Itsas Etxean egin zuten aurkezpeneko une bat

Hondarribiko Gure Esku Dagok giza katea egingo du hilaren 31n (larunbata) San Pedro kalean, 20:00etan, ekainaren 8an Durango eta Iruñea artean egingo dutenaren aurrerapen gisa. Hondarribiak ibilbidearen 105. Kilometroa osatu behar du ekainaren 8an eta 400 herritar behar dira horretarako. Larunbatekoa, horren entsegua izango da eta kopurua osatu arte falta diren herritarrak lortzen saiatuko dira. Ostiralean egin zuten Hondarribiko taldearen eta ekainaren 8ko giza katearen aurkezpena Itsas Etxean. Auditorioko harmailak bete zituzten eta bertaratu zirenek oso balorazio positiboa egin zuten ekitaldia bukatu eta ateak ireki zirenean. Aurkezpeneko hizlariek azaldu zutenez, Hondarribiko Gure Esku Dago egunero hasi da mahaia jartzen, giza katearen gaineko informazioa zabaltzeko eta bertara joan nahi dutenei metroak nahiz autobus txartelak saltzeko. Astelehenetik ostiralera Itsas Etxearen kanpoaldean ari dira jartzen, 18:00etatik 20:00etara, eta asteburuetan San Pedro kalean, 12:00etatik 14:00etara. Metroaren prezioa 5 eurokoa da eta autobus txartelak 10 euroan (13 urte edo gehiago dutenek) eta 2 euroan (12tik behera) saltzen dituzte. Autobusaren txartela hartzen denean kontuan izan behar da bi txanda desberdin izango direla. Batetik, autobus batzuk giza katearen ondoren Hondarribira itzuliko dira, eta bestetik, beste batzuk Iruñeara joango dira eta bertan egingo den jaiaren ondoren bueltatuko dira. Autobusez joaten ez direnei jakinarazi diete lehentasuna autobusei emango zaiela eta, hortaz, kilometroaren zenbakia modu ikusgarrian eramateko eskatu diete. Hondarribiarrek ibilbidearen 105. kilometroa osatu behar dute, Arakilen (Nafarroa). Hauek eta beste gomendio batzuk gida batean jaso dituzte eta informazio mahaian eskuragarri daude. Bukatzeko, metroa nahiz autobus txartelak ahalik eta lehenen erretserbatzeko eskatu diete herritarrei. Ekainaren 8koa Euskal Herrian inoiz egin den ekitaldi handienetakoa izango da eta antolakuntzan gauza asko lotu behar dira, herrietatik bertatik abiatuta.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Larunbatean giza katea egingo du Gure Esku Dagok Hondarribian

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak