Tabako kerik gabeko martxa

admin

Bidasoa

2014/05/26

Tabako kerik gabeko astea

Kerik gabeko astean gaude, tabakoak sortzen dituen kalteez kontzientziatzeko astean. Errenteria-Oreretan ere bat egin dute iniziatiba horrekin, eta hala, ostiralean martxa bat egingo dute herrian barrena tabakoaren kea arnasteak duen kalteez kontzientziatzeko, eta batez ere gazteak erretzen ez hastera bultzatzeko. Hala, herriko zenbait ikastetxetako ikasleek parte hartuko dute martxa horretan, baina gonbidapena Oarsoaldeko haur, gazte eta helduei helarazi diete antolatzaileek Osakidetzak eta Osasun Publikoak eta Errenteriako udalak. Tabako gehien erretzen den eskualdetako bat da Oarsoaldea. Kerik Gabeko Gelak Errenteria-Oreretan dagoeneko hasi dira gazteekin lan egiten, Kerik Gabeko Gelak egitasmoaren barruan. Ikasleen artean tabakismoa gutxitu eta mendekotasunari beranduago ekitea da asmoa. Araba, Bizkai eta Gipuzkoan egin dute 58 ikastetxetan, eta Errenteria-Oretan 340 ikaslek parte hartu dute. Zenbait azalpen eman dizkiete tabakoaren eraginei buruz eta tabakoari ezetz esateko , eta baita lanabesen berri eman ere. Hain zuzen, lehiaketa bat egin dute ez erretzearen aldeko logo edo mezu bat igortzeko, eta Orereta Ikastolako DBHko 1.D gela izan da garaile. Hain zuzen, ostiraleko martxa bukatutakoan jasoko du saria. Aurretik, mago batek tabakorik ez erretzearen gainean ikuskizun bat egingo du. Gehien prebenitu daitekeen heriotza kausa Gaur goizean agerraldia egin dute Unai Unsuain Gazteria eta Kirol zinegotziak Ana Bustindui Gipuzkoako osasun eskualdeko zuzendari medikuak eta Mikel Abasolo ESI Bidasoko Osasun Puboikoaren koordinatzaileak. Bustinduik gogorarazi duenez, tabakoa da gehien prebenitu daitekeen heriotza kausa indibiduala; bizi itxaropenari batez beste 15 urte kentzen dizkio eta kontsumitzaileen erdiak hiltzen ditu. Tabakoaren keak erretzaile pasiboak ere kaltetzen dituela gogorarazi dute, batez ere umeak. Bularreko umeetan bat-bateko heriotzaren kausa da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Tabako kerik gabeko martxa

Gipuzkoa

‘Noraeza eta bidea’ izeneko erakusketa eta bi artista liburu aurkeztu dituzte Oiartzunen

Patxi Goenaga hizkuntzalaria hil da

Salatu dute Azorak Donostian hutsik dituen etxeetako batzuk legez kanpoko pisu turistikoak direla

Gaur hasiko da Booktegi jaialdia, «literatura zentzu zabalean ospatzeko»

Gipuzkoako Foru Aldundiak %10 handituko du aurrekontua, 1.433 milioi euroraino

‘Desobedienteak 18/98’ antzezlanarekin hasiko dira Azpeitiko antzerki topaketak, bihar

Salatu dute azaroaren 11n bi adingabe dituen familia bat etxegabetu nahi dutela Donostian

Larunbatetik aurrera, Renferen erabiltzaileek Hernani eta Irun arteko ibilbidea trenez egin ahal izango dute beti

Errenteriako Udalak lursail bat laga dio Jaurlaritzari, alokairurako 45 etxebizitza babestu eraikitzeko

Gipuzkoako autoeskolak kexu dira 6.000 pertsona baino gehiago daudela azterketa praktikoa egiteko zain

Donostiako Herrera auzoko bizilagunek salatu dute «bazterturik» daudela, eta elkarretaratze bat antolatu dute etzirako

Txomin Letamendiren sendiak justiziaren aitortza nahi du zikloa ixteko

Gipuzkoako Moeve gasolindegietako langileek bertan behera utzi dute greba