Irungo EAJk gizarte eragileekin jardunaldiak antolatu ditu
Irungo EAJk hiriko errealitatea gizarte eragileekin aztertzeko helburuarekin jardunaldiak antolatu ditu, ekitaldi eta bilera sorta baten bidez. “Gobernu irekia, parte hartzailea eta integratzailearen aldeko apustua egiten duen etorkizuneko proiektua” garatzeko erabiliko dute jarduera sorta hori Irungo jeltzaleek, “bizi kalitatearen eta ongizatearen hobekuntzan, nahiz ekonomiaren eta enpleguaren suspertzean” oinarritutako egitasmoa osatu nahi du EAJk horrela.
Horren berri emateko agerraldia egin dute gaur Lourdes Larraza Irungo EAJren lehendakariak eta Xabier Iridoy EAJren udal taldearen bozeramaile, eta 2015eko hauteskundeetan alkategaiak.
Horiek datorren urteko udal hauteskundeei begira antolatu dituzte. Izan ere, bertan jasoko direnekin osatuko du EAJk bere Irunerako proposamena. Xabier Iridoy jeltzaleen bozeramailearen hitzetan, “Irunek gobernu aldaketa behar du” hiria hainbat alorretan suspertzeko, batez ere enplegu alorrean eta ekonomian.
Honakoak dira antolatu dituzten jarduerak:
- Hilak 29, Irungo Batzokian: gizarte zerbitzuei buruzko hitzaldia Maite Peña eta Eider Mendoza alderdikideekin.
- Ekainak 4, Bakartxo Tejeria eta Imanol Lasa Gobernu Onaren oinarriak ezartzeko Irungo lantaldearekin bilduko dira.
- Ekainak 19, Arantxa Tapia Irungo taldearekin bilduko da, eta jarraian eragile ekonomiko eta sozialekin bilduko da.
- Andoni Ortuzar ere Irunen egongo dela jakinarazi dute.
