Errugbiaren festarekin itxi du denboraldia Irun RTk

Irungo eta Urruñako taldeetako errugbilariak

Irungo eta Urruñako taldeetako errugbilariak

Urtero bezala, egun osoko festarekin bukatutzat eman du Irun Rugby Taldeak 2013-2014 denboraldia. Plaiaundiko zelaian elkartu ziren iragan larunbatean kategoria ezberdinetako jokalariak, senideak eta lagunak, eta goizetik gauera arte hainbat jarduera egin zituzten. 10:30ean hasiera eman zioten egunari rugby 7 lehiaketarekin. Klubeko emakumeen taldea Urruñako errugbi taldearen aurka aritu zen goizean zehar. Arratsaldean aldiz, kategoria ezberdinetako kirolariekin lau talde osatu zituzten eta rugby-touch torneo bat egin zuten Irun RTkoek. Egunari bukaera emateko, askaria prestatu zuten kirolariek; baita edaria ere: “Garagardoa helduentzat eta freskagarriak txikientzat”. Horren ondotik, Irungo zentroan bukatu zuten parranda kirolariek. Bukatzeko, klubetik adierazi dutenez, senior taldea Zarauzko Rugby 7 torneoan izango da etzi, larunbatarekin.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.