Atez atekoaren kontrako mozioa aurkeztu duten herritarrek PSE-EEren "injerentzia" salatu dute

Plenoaren datari eusteko eskatu diote gobernu taldeari Pasaitarren Eskubideak izenarekin atez atekoaren kontrako mozioa aurkeztu duten herritarrek. PSE-EEren “injerentzia” salatu du Pasaitarren Eskubideak taldeak, Trintxerpeko atez atekoaren kontrako lan taldeak deitu duen batzarrarekin bat egin ez dezan, sozialistek plenoaren data aldatzeko eskatu dutelako. “Mozioaren aurkezleek ez dugu inongo alderdi politikorekin loturarik, injerentzia honen kontra gaude eta mozioa hurrengo plenoan eztabaidatu dadin nahi dugu”, esan dute. Manifestaziorako deia Bide batez, ostegunean Pasai Antxon egingo duten manifestaziora biltzeko deia egin du Pasaitarren Eskubideak taldeak. Atez atekoaren kontrako manifestazioa 19:00etan irtengo da, Gure Zumarditik.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.