Txotx! Boliviaren alde
XIX. Sagardo Eguna ospatzen ari dira gaur Irunen, Taupadak gobernuz kanpoko erakundeak (GKE) eta hiriko zenbait elkartek antolatuta. Urdanibia plazan ospatu ohi den jaia, gaur Santiagoko Jai Alai pilotalekuan egiten ari dira, Moskuko plaza obretan dagoelako.
6 euroren truke edalontzia eta 10 trago dastatzeko aukera dute pilotalekura biltzen direnek. Zozketa baterako txartelak ere banatzen ari dira.
Aurten bildutako diru guztia Benira (Bolivia) bidaliko du Taupadak-ek, neguan han jasan dituzten uholdeen kalteei aurre egiten laguntzeko. 
