SOS Arrazakeriaren egoitza asteazkenetik aurrera izango da martxan

admin

Bidasoa

2014/05/08

SOS Arrazakeriaren egoitzaren inaugurazioa

Gerar Carrere azalpenak ematen

SOS Arrazakeriak badu egoitza Errenteria-Oreretan. Erdialdeko Topo geltokiaren parean dago, Oarso eraikinean, azken solairuan. Egoitza horretan Errenteria-Oreretako eta eskualdeko etorkinei aholkularitza zerbitzua emango diete, Gerar Carrere SOS Arrazakeriako kideak azaldu duenez. Asteazkenetik aurrera emango du zerbitzua, honako ordutegian: 10:00etatik 14:00etara. Horretarako, erabiltzaileek aurretik hitzordua hartu beharko dute bi modu hauen bidez: telefonoz (658 74 97 56) edo emailez (sosoarsoaldea[abildua]gmail.com). Aholkulari gisa Mikel Martiaran abokatua ariko da. Atzo inauguratu zuten udalak utzitako lokala. Bertan izan ziren SOS Arrazakeriako ordezkariez gain, udalekoak (Julen Mendoza alkatea, Luisma Diez Hirigintza zinegotzia eta Alazne Korta Ondare zinegotzia), baita Errenteria-Oreretako nahiz Pasaiako udal taldeetako ordezkariak ere: PSE-EE eta Ezker Anitza. Horrez gain, herriko zenbait elkartetako ordezkariek ere parte hartu zuten. Igantzin irekitzear egon zen udalak utzitako lokala duela hiruzpalau urte SOS Arrazakeria, baina auzotarrak ez ziren ados agertu, horrek arazoak sor zitzakeela argudiatuta. Azkenean atzera bota zuten, gaur arte. Face2face erakusketa Egoitza irekitzearekin batera, Face2face deitzen den erakusketa ikus daiteke. Egunkarietako zatiak eta argazkiak aurki daitezke bertan, eta immigrazioarekiko kontzientziazioa sustatu nahi du.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

SOS Arrazakeriaren egoitza asteazkenetik aurrera izango da martxan

Gipuzkoa

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek eraikuntzako 3,68 tona material esportatu dituela Israelera

Erromatarrak bueltan dira

Gipuzkoako egoitzetan bizi diren lau lagunetik hiruk uste dute bizi kalitate ona dutela

Aiako txaleta eraisteko agindua berretsi du Auzitegi Gorenak

Eusko Jaurlaritzako Segurtasun Sailak salatu du futbol partida bateko epaile bati jazarri diotela ertzaina izateagatik

Zahar etxeetako gatazkari irtenbidea emateko eskatu dio ELAk Gipuzkoako Foru Aldundiari

Berastegi, Berrobi eta Elduain Tolosarekin lotzeko autobus zerbitzua indartuko du Gipuzkoako Foru Aldundiak