Gure Esku Dagok argazki erraldoia osatu nahi du larunbatean

admin

Bidasoa

2014/05/06

Gure Esku Dago, Errenteria-Oreretan

Errenteria-Oreretan ahalik eta jende gehien bildu nahi dute larunbat honetan, hilak 10, erabakitzeko eskubidearen alde atera nahi duten argazki erraldoian. Antolatzaileen esanetan, urtarrilean ere antzeko ekimen bat egin zuten, baina herriko aurpegi ezagunekin. Orduan, ehun inguru lagun bildu ziren, eta oraingoan, gehiago elkartzea espero dute, baina “herri osoaren isla” izango den argazkia ateratzeko xedearekin. Herritar guztiengana zabaldu dute deialdia: “Demokrazia da batzen gaituena, erabakitzeko eskubidea gure elkargunea, beraz, herritar orok du argazki horretan ateratzeko lekua”. Argazki erraldoia egitarau baten azken partea izango da. Aurretik, kantu jira egingo dute, eta Zumardian amaituko dute Gure Esku Dagoren abestia kantatzen. Jarraian, Dantza Zati Bat ekintza egingo dute, Ereintza, Iraultza eta Beti Prest taldek prestatutako koreografiarekin. Horren ostean aterako dute argazki erraldoia, eta horretarako, herritarrei urdinez joateko eskatu diete. 500 metro salduak Errenteria-Oreretan ari dira pixkanaka metroak saltzen, eta guztira, 500 metro baino gehiago saldu dituzte. Hala ere, beste hainbeste lortu nahi dituztela jakinarazi dute antolatzaileek. Zalantzan edo mesfidati daudenengana zuzendu dira, eta animatzeko esan diete. Metroa eskuratzeko aukerak hemen aurki daitezke: gureeskudago.net. [box] Egitaraua

12:00: Kantu jira, Herriko Plazatik.
13:00: Dantza Zati Bat, Zumardian.
Jarraian: Argazki erraldoia, Zumardian.

[/box]

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Gure Esku Dagok argazki erraldoia osatu nahi du larunbatean

Gipuzkoa

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik