Lehen Erregionaleko taldeak igotzeko aukerak mantendu ditu
Bi partida geratzen dira futboleko Lehen Erregionaleko igoera fasea amaitzeko eta Hondarribiko bigarren taldeak oraindik aukerak ditu Preferente Mailara igotzeko. Hondarribiarrek 0-2 irabazi zioten Beti Onari Errenteria-Oreretan, baina gauza bera egin zuen Pasaiak Mariño B-ren etxean (0-1). Ondorioz, gauzak jardunaldia hasi aurretik bezala daude, baina orain partida baino gutxiago geratzen da.
Pasaiak 31 puntu ditu eta Hondarribiak 29. Euren arteko average-a berdeen aldekoa denez, Pasaiako taldeak baino bi puntu gehiago lortu behar ditu Hondarribiak igotzeko. Heldu den asteburuan Hondarribiak ezer jokoan ez duen liderra jasoko du Hondartzan eta Pasaiak Beti Onaren kontra jokatuko du etxean, Oarsoaldeko derbian.