Aterkia esku batean, sagardo basoa bestean
https://www.youtube.com/watch?v=1gwYK7QaS9E 18:00etan puntuan sagardo egunaren aurkezpena egin ondoren, tradizioak dioen bezala, txalapartarien musikarekin batera eta Ana Tolosaren irrintziarekin hasi da sagardo egunaren arratsaldeko saioa.
[nggallery id=69]
Goizean nahiko ateri eutsi dio eguraldiak, baina eguerdirako hasi da euria, eta arratsaldean ekin eta ekin ari dio. Hala ere, Zumardian jarri duten karpak estali ditu sagardogileak eta sagardo egunera hurbildu direnak. Karpan sartzen ez zirenak aterkiarekin eta basoarekin trikimailuak egiten aritu dira nola edo ahala ez bustitzeko.
18:00etan puntuan sagardo egunaren aurkezpena egin ondoren, tradizioak dioen bezala, txalapartarien musikarekin batera eta Ana Tolosaren irrintziarekin hasi da sagardo egunaren arratsaldeko saioa.
Irrintzia bukatu bezain laster hasi dira sagardoa botatzen dabiltzanak lanean, gelditu gabe. Jende ugari zegoen inguruan basoa betetzeko zain. 20:00ak arte arituko dira jo eta su.
Antolatzaileek neurrian edateko eskatu diete Zumardira joan direnei.
Dena ez da edatea, eta jateko aukera ere badago: goizetik erretzen aritu diren txekorra, taloak, pintxoak…
Ziur, gaur, Errenteria-Oreretan, goizeko ordu txikietara arte luzatuko dela festa.
