Txirrindularitza eta itsasoko probak, olinpiadetako hirugarren egunean

admin

Bidasoa

2014/04/24

Hondarrezko proba egin ahal izateko Bentako hondartza garbitu dute gazteek

Igandean egingo dute 2014ko Hondarribiko Herri Olinpiadetako hirugarren jardunaldia. Eremu olinpikoa lekuz mugituko dute, orain arteko bi jardunaldiak jaso dituen Madalen plazatik, Butroi pasealeku aldera. Izan ere, itsasoko probak egingo dituzte hirugarren egunean, baita txirrindularitzakoak ere. 10:00etan hasiko da olinpiadetako hirugarren jardunaldia, bizikleta probekin. Bi proba izango dira, lasterketa eta motelketa. Antolatzaileek azaldu dutenez, lehenengoa taldeko lana izango da: “Lasterketa erreleboka izango da eta bost lagunek parte hartuko dute. Ekipo bakoitzak mendiko txirrinda eta kasko bana eraman beharko ditu eta txirrinda eta kaskoa partaidez partaide pasa beharko dira”. Lasterketa Butroi pasealekuan egingo dute eta motelketa, aldiz, Uxoa tabernako maldan. “Lagun batek bakarrik parte hartuko du —azaldu dute—. Lurra ukitu gabe helmugara azkena iristen denak irabaziko du eta norbaitek hankak lurrean jarri ezkero zuzenean eliminatu egingo da”. Hondartza garbitu dute Txirrindularitzakoen ostean hondarrezko irudien proba egingo dute, garai bateko olinpiadetan egiten zen bezala: “talde bakoitzak espazio mugatua izango du hondarrezko irudia egiteko eta beharrezko ikusten dituen pala, rastrillo eta karretilak erabili ahal izango ditu”. Benta zaharreko hondartzan egingo dute hondarrezko irudien proba eta herriko hiru artistek osatuko dute lanak epaitzeko taldea. Nabarmendu behar da hareatza nahiko hondatuta zegoela neguko denboraleengatik, baina herriko gazteek garbiketa egiteko geratu izan dira eta ehundaka harri koxkor atera dituzte bertatik. Eta jardunaldia bukatzeko, Butroi pasealeku parean batelen estropada egingo dute olinpiadetan parte hartzen diren hogei taldeetako kirolariek —orain arte hemeretzi agertu dira, baina Zahartrosis taldea agertuko balitz aukera izango luke lehiatzeko—. “Batel bakoitzean bost lagun eta patroia egongo dira eta patroi bezala arraunlariren bat joango da”, gaineratu du antolakuntzak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Txirrindularitza eta itsasoko probak, olinpiadetako hirugarren egunean

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak