Alabergako sarbidea moztuta egongo da Aste Santua eta gero
Hilaren 22tik aurrera, Alabergako sarbidean lanak egiten hasiko dira. Horiek etorkizunean oinezkoen bide egiteko helburuarekin abiatuko dituzte. Horretarako, Nafarroa biribilgunetik Alaberga auzorako sarbidea aldatu behar dute, eta hilaren 23, 24 eta 25ean, sarrera eta irteera trafikoarentzako itxita egongo direla jakinarazi du Udaltzaingoak.
Bide alternatiboa ere proposatu du: Ikutza Kortsarioa kalea irteteko; eta sartzeko, Martin Etxeberria kalea (beheko aldera) eta Kaputxinogaña (auzoaren goiko alderako).
Hilaren 25erako berriro zabalduta egongo dela aurreratu du Udaltzaingoak. Hortik lanak Biteri kalera pasatuko direla adierazi dute, eta unean unean egingo dituztela itxierak.
Barkamena eskatu dute eragozpenengatik.
