Parte hartze markak hautsi zituen larunbatean San Pedro-Trintxerpe VI. Mendi Lasterketak. 100 parte hartzaile izan ziren, horietatik 25 emakumeak; Trintxerpe Atletiko Klubeko antolatzaileak oso gustura agertu dira emakumeen partaidetza zenbakiarekin, iaz, esaterako, emakume bakarra izan zelako proba horretan lehian.
Emakumeen mailan Tanit Perez de Lezeta donostiarra izan zen irabazlea, Maialen Gurrutxaga andoaindarra bigarrena, Josune Etxezarreta andoaindarra hirugarrena eta Juncal Amunarriz hondarribiarra laugarrena. Gizonetan, berriz, Imanol Gonzalez donostiarra izan zen irabazle, bigarren Asier Martinez urnietarra, hirugarren Ruben Gonzalez donostiarra, eta laugarren Mikel Iruretagoiena Aiakoa.
Lehenengo pasaitarra Mikel Astarloza sanpedrotarra izan zen, eta Trintxerpe Atletiko Klubeko lehena, berriz, Igor Fuentes.
Pasaiako mendi lasterketa 2014, sailkapena