Estatuen esku hartzeari geldi esan diote

admin

Bidasoa

2014/04/10

Estatuen esku hartzearen kontrako elkarretaratzea

Azken aldian, Espainia nahiz Frantziako estatuak hizkuntza politika arloan egiten ari diren esku hartzeak salatu zituzten atzo, Euskal Herriko zenbait txokotan, Kontseiluak deituta; tartean, Errenteria-Oreretan. Estatuen esku hartzea gelditu lelopean hainbat herritar bildu ziren Herriko Plazan, eta koloreztatutako eskuarekin gelditzeko keinua irudikatu zuten. Espainiako Gobernuak LOMCErekin eta Frantziakoak ikastoletan egiten ari diren esku hartzeekin, euskara erasotzen ari direla iritzi diote, eta gertuago, aldundiak eta 61 udalek Espainiako Gobernu ordezkariaren errekerimenduak jaso dituztela salatu dute, aldundiaren kasuan, kontratazioetan hizkuntza irizpidea erabiltzen hasi delako, eta udalen kasuan, Udaletik programarengatik. “Indarrean dauden euskara planak ere eskatu dizkie, baita hizkuntza irizpideei buruzko erabakiak ere jakinarazteko”. Nolanahi ere, hizkuntza politikaren garrantzia nabarmendu dute, eta gogorarazi dute 1996ko Bartzelonako Hizkuntz Eskubideen Deklarazio Unibertsalak biltzen duenez, “hizkuntza komunitate orok eskubidea duela bere hizkuntza sistema estandarizatzeko, garatzeko eta sustatzeko derrigortutako edo induzitutako kanpo esku hartzerik gabe”. Hizkuntza baten normalizazio prozesuak dimentsio politiko eta soziala du, eta euskararen kasuan hala da. Estrategia ezberdinak martxan jartzen dira ezagutza nahiz erabilerari dagokionez. Hizkuntza politika da elementu garrantzitsuena, eta ezinbestekoa euskara normalizatu dadin. Eskubide bat da 1996ko ekainean onartu zen Bartzelonako Hizkuntz Eskubideen Deklarazio Unibertsalak “Hizkuntza komunitate orok eskubidea du bere hizkuntza sistema estandarizatzeko, garatzeko eta sustatzeko derrigortutako edo induzituriko kanpo esku hartzerik gabe”. Hala, nabarmendu zuten herritarrei dagokiela “neurri horiek salatu eta kanpo esku hartzeak geratzea”. Era berean, euskaraz bizitzeko hautua egin dutela ozen eta garbi esateko garaia dela adierazi zuten.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Estatuen esku hartzeari geldi esan diote

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean