
Hondarribiko Zimizargako edukiontziak urre kolorekoak bilakatu dira hilabete honetan, auzo horrek irabazi baitu Txingudiko Zerbitzuak erakundeak antolatzen duen Urrezko edukiontzia lehiaketako otsaileko erronka. Edukiontzi marroian utzitako hondakinen bolumena saritu dute otsailean eta Zimizargan 3,08 kilo bildu dituzte biztanleko.

Nerabezaroaren atarian dauden alabak dituzte gurasoei zuzenduta hitzaldia antolatu du Pasaiako Udaleko Berdintasun Arloak. Marilde Osa doktoreak Menarkia: lehengo menstruazioa eta kontrazepzioa hitzaldia eskainiko du, eta nerabezaroan konplexuak diren gaiak jorratuko ditu, besteak beste, sexu harremanetan hastea, prebentzioa, zaintza eta babesa osasunaren ikuspuntutik. Hitzaldia hilaren 20an izango da, 17:30ean, alkateordetzan.

Helburuak ez, bitartekoak epaitu behar direla argudiatu du defentsak goizeko saioan. 16:30ean jarraituko dute. Gaur berrekin diote epaiketari, akusazioaren ondorioekin. berria.info-n egiten ari dira jarraipena.