Hondakinen edukiontziak urrezkoak izango dira martxoan Zimizargan

Hondarribiko Zimizargako edukiontziak urre kolorekoak bilakatu dira hilabete honetan, auzo horrek irabazi baitu Txingudiko Zerbitzuak erakundeak antolatzen duen Urrezko edukiontzia lehiaketako otsaileko erronka. Edukiontzi marroian utzitako hondakinen bolumena saritu dute otsailean eta Zimizargan 3,08 kilo bildu dituzte biztanleko.

Txinzerren edukiontziak Zimizargan, Biteri eskolaren parean

Txinzerren edukiontziak Zimizargan, Biteri eskolaren parean

Hondarribiko Zimizargako edukiontziak urre kolorekoak bilakatu dira hilabete honetan, auzo horrek irabazi baitu Txingudiko Zerbitzuak erakundeak birziklatzea sustatzeko antolatzen duen Urrezko edukiontzia lehiaketako otsaileko erronka. Edukiontzi marroian utzitako hondakinen bolumena saritu du otsailean Txinzerrek eta Zimizargan 3,08 kilo bildu dituzte biztanleko. Bigarren tokian Hondarribiko beste auzo bat geratu da, Puntala, 2,19 kiloekin. Atzerago Dunboa (1,62 kilo biztanleko), Larreaundi (1,61 kilo) eta Antzaran (1,58) sailkatu dira, hirurak Irunen. “Gogora ekarri behar da gai organikoaren gaikako bilketaren kopuru horiek hiri eremuko edukiontzi marroietan jasotakoari dagozkiola bakarrik, hauxe da, ez da kontatu Txingudin birziklatzen den gai organiko guztia, kopuru horietan ez baita sartu ez udalerrietako lorezaintza brigadatik etorritako bolumena eta ezta etxeetan egiten den konpostajea ere”, azaldu du Txinzerrek. Iazko datuak hobetu nahi dituzte Martxorako ontzien gaikako bilketa izango da Txinzerrek jarritako erronka: “Erronka garrantzitsua da kanpainaren helburuak betetzeko, areago ondoko datu hau kontuan badugu: 2013. urtean 1,2 tona utzi ziren metalezko eta brick moldeko ontzietan edukiontzi horian, baina edukiontzi berdearen bidez (errefusa) zabortegira beste 3 tona gehiago iritsi zirela kalkulatzen da”. Lehen erronka Irungo erdialdeak irabazi zuen, auzo horrek lortu baitzuen gai birziklagarri gehien jaso zituen eremua izan baitzen. Urrezko edukiontzia egitasmoarekin herritarrak beren hondakinak bereiz ditzaten bultzatu nahi ditu Txinzerrek, eta horrenbestez, “birziklatze mailak hobetzeko eta gaikako bilketaren datuak hobeto ezagutzeko, herritarrek gogoeta egin dezaten lan hori egiten ari den moduaren inguruan”.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.