Jaizkibelgo formazioak ezagutzeko mendi irteera antolatu du Mintzalaguna egitasmoak 29rako

Jaizkibelgo formazioetako batzuk

Jaizkibelgo formazioetako batzuk

Hondarribiko Euskara Zerbitzuko Mintzalaguna egitasmoak Jaizkibelgo Kostaldean barrena mendi ibilaldia antolatu du hilaren 29rako, larunbaterako. Mendiaz gozatzeaz gain, bertan dauden formazio geologiko bereziak ikusteko asmoa dute. Ekitaldi irekia da, Mintzalaguna programan parte hartzen ez dutenek ere eman dezakete izena. Goizeko zortzietan hasiko da ibilaldia, Jaizkibelgo paradorreko aparkalekuan. Ibilbidearen iraupena gutxi gora behera lau ordukoa izango da, geldiunean kontuan hartu gabe. Honako ibilbidea proposatzen dute: Labetxu-Erentzin-Biosnar-Marla-Justiz. Hilaren 27a baino lehen eman behar da izena, 688 86 53 98 telefonora deituz edo Mintzalagunako korreora idatziz. Euskara Zerbitzuak esan du eguraldi txarrarekin ez dela egingo.
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.