Geurea Ikurrina Herri Ekimena
Hilaren 28an jarriko du Espainiako bandera balkoian Lezoko udalak. Espainiako Gobernuaren EAEko ordezkariaren eskariz abiatu zen prozesuak jada ez du atzera bueltarik Lezon eta bide judizial guztiak agortu dira. Gaur eguerdian egin du agerraldia Geurea Ikurrina Herri Ekimenak, inposaketa salatu, Lezoko balkoiak ikurrinaz bete eta Ikurrina Eguna aurkezteko. Hamarnaka herritarrek egin dute bat deialdiarekin eta bertan Espainiako Estatuak bandera española jartzea inposatu diola herriari salatu dute “euskal ikurrak errespetatzen ez dituzten lege eta inposizioen bidez”. Horri erantzuteko sortu dela Geurea Ikurrina Herri Ekimena eta Lezoko herritarrak esukal ikurren alde eta ikur inposatuen aurka aktibatzeko konpromiso petsonal eta kolektiboak agerian uztea dutela helburua gaineratu dute ekimena aurkeztu duten bi kideek.
Ikurrina Eguna
Herri ekimenarekin bat egiteko atxikimendu bila ari direla azaldu dute bestalde eta dagoenko 20 elkarte eta eragilek eta 300 norbanakoren babesa jaso dutela zehaztu dute: “Hala ere sinadura bilketa eta atxikimendu bila jarraituko dugu. Inposaketa agerian utzi eta euskal ikurren aldarrikapena eta defentsa bermatzetik harago, mobilizazio deialdia ere egin dugu agiri horretan,Ikurrina eguna”.
Martxoaren 22an deitu dute Ikurrina Eguna.12:00 Euskal Herria plazan hasiera ekitaldia egingo dute eta ondoren kalejira erreibindikatiboa egingo dute Lezoko kaleetan barrena. Musika eta bazkaria ere ez dira faltako. 12:45ean ekitaldia izango da herriko plazan eta txalapartariek, joaldunek, txistulariek eta dantzariek bat egingo dute ekimenarekin. Saldise plazak hartuko du lekukoa 14:30ean. Babarrun jatea izango da bertan eta 13 euroan eros daitezke dagoeneko txartelak Tiñelu, Aizpea, Txingurri, Sorgin, Txerrimuño eta Sotxo tabernetan.
Ikurrinak banatzen jarraitzen dutela zehaztu dute Geurea Ikurrina Herri Ekimeneko kideek aurkezpenean. Azkena datorren ostiralean, hilak 12, egingo dute herriko plazan 18:00etatik 20:00etara.
Atxikitutako elkarte eta eragileak
- Allerru Futbol Taldea
- Allerru Pilota Taldea
- Ernai
- Haurtxo Haur Eskolako Hezitzaileak
- Pasaia Lezo Lizeoa
- Pasaia Lezo Lizeoko Gurasoak
- Ixkulin Elkartea
- Lezoko Euskal Dantzazaleak
- Oroitzene AEK
- Munttar Lezoko Txistulari Taldea
- Murixka Dantza Taldea
- Orratx! Antzerki Taldea
- Presoen Aldeko Mugimendua
- Tomas Garbizu Musika ESkola
- Tiñelu Elkartea
- Trapujale Taldea
- Txerrimuño
- Zabarre Taldea
- Lezoko Irrien Lagunak
- Mañontzi Bertso Eskola
