Aurten ere ez da plaza mugaturik izango udalekuetan
Kanpamentuen bakarrik mugatu dituzte plazak: Beiren 50 eta Lousadan beste 50. Hilaren 17tik aurrera egin ahal izango dira izen emateak.
Hilaren 17an irekiko da Txikiak (2002-2008), udalekuak (2002-07) eta kanpamenduetan izena emateko epea. Aurten iazko berritasuna errepikatu dute. Alegia, Txiki eta udalekuetan plazak ez direla mugatuta egongo. Baldintza bakarra herrian erroldatuta egotea da. Horien kasuan, txanda bakarrean parte hartu ahal izango dute.
Haatik, kanpamenduetako plazaak mugatuta egongo dira: 50 Beiren (2002-2004) eta 50 Lousadan (1998-2001).
Atzo bertan aurkeztu zituzten Merkatuzarren Unai Unsuain Gazteria zinegotziak, Pili Azpeitia Hezizerbeko koordinatzaileak eta Ibai Narbarte Ludotekako koordinatzaileak.
Unsuainek nabarmendu zuen Sahara eta Txernobildik etortzen diren haurrek ere aukera izango dute aurten ere ekintza horietara joateko.
Horrez gain, hobariak izango dituzte familia ugariek (%50) eta seme alaba bat baino gehiago izena ematen dutenek (%20).
Aurrez izena emateko: hilaren 17tik 28ra
Aurretiazko izena ematea martxoaren 28ra bitartean eman ahal izango da, Gazte Informazio Bulegoan. Gero, izen emate ofiziala apirilak 7-11 bitartean egin beharko da toki berean. Kanpamenduetako zozketa, berriz, apirilaren 3an jakinaraziko dute Gazte Informazio Bulegoan bertan edota gaztebulegoa.errenteria.net/UdakoOporrak helbidean. Hor lortu daiteke informazio osagarria ere.
Beraungo ludoteka eta gaztelekuak lekuz aldatuko dituzte
Astelehenean eta asteartean itxita egongo dira Beraungo ludoteka eta gaztelekua. Izan ere, egun dauden tokitik Pablo Sorozabal plazara lekualdatuko dituzte, eta horrek iraun bitartean itxita egongo dira. Asteazkenetik aurrera, berriro martxan izango dira.
Bi egun horietan herriko beste ludoteka eta gaztelekuak erabili ahal izango dituzte erabiltzaileek.
Orain aldaketa batzuk egingo dituzte, baina behin betiko obra ekainerako utziko dute.
[box]
Zerbitzua
Txikiak- Lehenengo txanda: ekainak 30-uztailak 11
- Bigarren txanda: uztailak 14-29 (22 eta 25ean itxita)
- Ordutegia: 10:00-13:00
- Prezioa: 40,50 euro
- Lehenengo txanda: ekainak 30-uztailak 11
- Bigarren txanda: uztailak 14-29 (22 eta 25ean itxita)
- Ordutegia 09:30-13:30
- Prezioa: 50,50 euro
- Beire: ekainak 26-uztailak 5. Prezioa: 202 euro.
- Lousada: uztailak 1-10. Prezioa: 202 euro.
