Alkatearen kalitatezko botoarekin, gobernu taldeak aurrera atera ditu Pasaiako aurrekontuak

admin

Bidasoa

2014/03/05

Bizilagunak, plenoan

Aldeko zortzi boto (Bildurenak), kontrako zortzi (PSOE-EAJ-PP) eta abstentzio bat (Ezker Anitza). Horixe Pasaian aurrekontu proposamenaren bozketaren emaitza. Honenbestez, alkatearen kalitatezko botoarekin atera ditu Bilduk beste behin ere aurrekontuak aurrera. Ezker Anitzarekin akordioa lortuta, Bilduk bere zuzenketa partzialak erretiratu zituen. PSOE, PPk eta EAJ osoko zuzenketak aurkeztu zizkioten proposamenari, eta horiez gain, PSOEk 18 zuzenketa partzial. Horietatik bi, Mugen batzorderako eta hirigintza arloko proiektuetarako partidak handitzea eskatzen zituztenak, aurrera atera zituzten Bilduk bere egin zituelako. Bi gaik hartu zuten protagonismoa atzo aurrekontuen eztabaidan: atez ateko sistema bilketa eta udalak kale garbiketa berriz ere bere gain hartzeko hartu duen erabakia. Herritarrak protagonista Luze jo zuen atzoko plenoak. Udalbatza hasi eta berehala Bonantza Auzo Elkarteko bizilagunek hartu zuten hitza. Beren mozioa defendatu zuten bizilagunek, Donibane eta Lezo lotzen dituen espaloiari buruzkoa. Mozioa aho batez onartu zuten talde guztiek. Baina ezustea plenoa hasita zegoela gertatu zen. PSOEko Lore Suarez bere taldearen zuzenketen defentsan ari zela Donibaneko bizilagunen talde batek plenoa eten zuen, haserre bizian. Denboraleen eraginez, urak hartu ditu Donibaneko hainbat soto eta establezimendu azkenaldian, azken aldiz, atzo bertan, eta bizilagunek Santiago plazan petrila berriz ere jartzea nahi dute. Udalean beren egoeraz inor ez delako kezkatu kargu hartu zieten zinegotziei, eta hitzordua emateko exijitzeko eskatu, gaiari irtenbidea eman asmoz. Helburua lortuta, pleno aretoa utzi zuten. Giza baliabideak eta mozioak Kale garbiketaren gaineko erabakiek, eta atez ateko bilketa ezartzeko hartutako bideak hainbat aldaketa eragin ditu giza baliabideei dagokionez. Udalak hainbat lanpostu sortu nahi ditu eta egin dituen bi proposamenak, udal plantillari dagokiona eta lanpostuen zerrendari erreferentzia egiten diona, biak atera zituzten aurrera. Horrez gain, EAJk hondakinak biltzeko sistemaren gaineko galdeketa eskatuz aurkeztutako mozioa zegoen gai zerrendan. Eztabaidak luze jo zuen, baina mozioak ez zuen aurrera egin. PSOEk, EAJk, eta PPk alde bozkatu zuten (8 boto), baina Ezker Anitzak eta Bilduk kontra (9 boto). Haurdunaldia etetearen gaineko mozioak ere aurrera egin zuen. Bilduk, Ezker Anitzak eta PSOE-EEk proposamen bateratua aurkeztu zuten. PPk kontra bozkatu zuen, eta EAJk mozioak zituen bederatzi puntuetatik zortzi bere egin zituen eta hirugarrenean abstenitu egin zen.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Alkatearen kalitatezko botoarekin, gobernu taldeak aurrera atera ditu Pasaiako aurrekontuak

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak