Pasaiako bi bikote, Euskal Herriko Mus Txapelketaren finalean
Larunbat honetan (hilak 8) jokatuko da Heletan (Lapurdi) Euskal Herriko Mus Txapelketaren finala. Oarsoaldeko eta Bidasoko jokalariek bi bikoteren ordezkaritza izango dute bertan, biak ala biak pasaitarrak: Joseba Manzisidor-Mikel Garmendia sanjuandarrak, eta Txarli Etxarri eta Jose Pesqueira trintxerpetarrak. Goizeko 09:00etarako egon behar dute Heletan parte hartzaileek, eta pasaitarrak beste 124 bikoteren kontra lehiatuko dira. Donibanekoak laugarrenak izan ziren Gipuzkoako txapelketan.
Goizean zehar ligaxka erara jokatuko dute bikote guztiek, taldetan eta horietan herrialde guztietako ordezkariak izango dira. Talde bakoitzeko lehenek, hamaiketakoaren ondoren, talde bakoitzeko lehenak elkarren kontra ariko dira. Bazkariaren ondoren, 16 bikote onenak txapelaren bila joango dira.
