Bi margolari kontratatuko ditu Lezoko Udalak
Bost hilabeterako bi margolari kontratatzeko deiadia egin du Lezoko Udalak herri mantenuko pintaketak egiteko. Lehenengo mailako eta hirugarren mailako ofizial gisa kontratatuko ditu bi lagun horiek eta lanaldia astelehenetik ostiralera izango dute 7:15etik 14:15era. Interesdunek otsailaren 10a baino lehen eman beharko dute izena Oarsoaldea Garapen Agentziak Errenteria-Oreretan duen bulegoan (Olibet, 5) 9:00ak eta 14:00ak artean.
Izena emateko unean langabezian egotea, Lanbiden alta emanda izatea, hamabi hilabeteko lan eskarmentua izatea lanpostu berean, edo eta formazio arautu edo okupazionala izatea eta Lezon erroldatua egotea ezinbesteko baldintzak dira lanpostuetarako izena emateko. Halaber euskaraz hitz egiten jakitea, B motatako karneta izatea eta emakumea izatea baloratuko ditu udalak kontratazioa egiteko garaian.
