Lezoko Udalbatzak sakabanaketaren kontra egin zuen atzo EAJren eta EH Bilduren zinegotzien botoekin. Bi mozio eraman zituzten espetxe politikaren gainean plenora, bata EH Bilduk aurkeztutakoa eta bestea EAJk aurkeztutakoa. Biak aztertu eta biak bozkatuta aurrera egin zuten bi alderdiek proposatutakoak adostasunera iritsita. EH Bilduren mozioa onartuta, Espainiako Gobernuari sakabanaketa politikarekin amaitzea eskatuko diote, “sakabanaketak presoa bere ingurune sozial, afektibo, eta kulturaletik milaka kilometrora urruntzeaz gain, erasoak, isolamendua eta bestelako eskubide urraketak ahalbidetzen duelako”. Eskubide urraketa horiek presoei eragiteaz gain senide eta lagunei ere eragiten dietela nabarmendu zuen Miren Tarragona zinegotziak. Sevilla II espetxeko zuzendariari eta Espetxe Erakundetako Idazkari Nagusia bertan dituzten presoek pairatzen dituzten muturreko bizi baldintzekin amaitzeko ere eskatzea onartu dute EH Bildu koalizioaren mozioaren bidez. Halaber bat egin du udalak presoen eta euren senideen eskaerekin: Mugagabeko isolamenduarekin amaitzea; euskal presoak batera egotea; oinarrizko eskubideak errespetatzea; eta etengabeko jazarpen eta erasoekin amaitzea. Azkenik, herritarrei mozioaren berri eman eta giza eskubideen eta bakearen defentsan antolatzen diren dinamiketan parte hartzera gonbidatzea onartu zuen udalak.
EAJren mozioak presoak beren ohiko bizileuetatik hurbil diren espetxeetara hurbiltzeko prozesua hasteko eskatu zuen aurkeztutako mozioan. Gaixotasun larriak edo sendaezinak dituzten presoak zein jarduera politikoengatik kondenatutako presoak askatzeko eskatu zuen, halaber. Euskal presoei espetxearen araudiaren arabera dagozkien onurak normaltasun eta tratu berdintasunez aplikatzea ere galdegin zien erakunde eskudunei. Seviila IIko zuzendaritzari bertan diren esukal presoek bizi duten mturreko egoerarekin amaitzeko neurriak hartzeko eskatu zion azkenik. EAJren mozioa, aurrekoa bezala, aho batez onartu zuen udalbatzak atzoko saioan EAJko eta EH BIldu koalizioko zinegotzien aldeko botoarekin.
IATko langileen eskaerak, argi berdea
Pleno aretoa jendez gainezka izan zen atzo. Irungo IAT Ibilgailuen Azterketa Teknikoko zerbitzuko langileek mozioa aurkeztu zuten. Gipuzkoako udal guztietan aurkezteko asmoa azalduta Lezoko Udalari babesa eskatu zioten “Eusko Jaurlaritzaren aurrean bitartekari lana egin eta presatu dezan kontsezioa berak egina diolako TÜV Rheiland Iberica enpresari”. Milaka gipuzkoarrei eragiten dien gatazka konpontzeko “egin ahalak burutzeko”eskatu zieten langileek udalari halaber. EAEko gidariei ibilgailuen azterketarako “IAT zentroa libreki hautatzeko eskubidea bermatzeko” egin beharreko gestioak egiteko ere eskatu zioten udalari langileek. Mozioak aurrera egin zuen EH BIlduko zinegotzien aldeko botoekin eta EAJko zinegotzien abstentzioarekin.
65 geldialdi egin dituzte eta 159 greba egunetik gora IATko langileek 2013ko ekainan hasita enpresari hitzarmena berritzeko eskatzeko. “Jarrera itxia” duela ordea enpresak azaldu zuten atzokoan pleno aretoan Irungo IAT zentroko langileek eta horren adierazle, gatazkak dirauen zortzi hilabeteetan enpresa behin baino ez dela langileekin bildu salatu zuten.
Bonantza auzo elkartearen eskaera
Lezo eta Donibane lotzen dituen bideak kezkatuta mozioa aurkeztu zuen Bonantza auzo elkarteak atzoko plenoan Donibane eta Lezoko 34 elkarteren babesarekin. Espaloia istuegia dela eta bizikletan joateko edo oinez arazoak sortzen direla ekarri zuen gogora sinatzaileen izenean plenoan arituz en kideak: “Bide hori arriskutsua da eta ezin dugu onartu horrela jarraitzea. Adundiari espaloia txukuntzeko da eskatzen dioguna. Horretarako Lezoko zein Pasaiako Udalei mozioa babesteko, eta aldundian eskatu nahi dugun bilerara gurkin batera bi udal ordezkari joatea eskatzen diegu”.EH Bilduk eta EAJk babestu zuten Bonantzak egindako eskaera.
Emakumeen autonomiaren eta erabakitzeko eskubidearen defentsan mozioa aurkeztu zuen halaber EH Bilduk PPk borondatezko haurdunaldia eteteko aurreproiektua dela eta. Gai beraren gaineko mozioa aurkeztu zuen halaber EAJk. Euskal presoen gairekin bezala, hemen ere bi mozioak aztertu eta biak onartu zituzten bi alderdiek aho batez.
Lezoko Udalbatzak sakabanaketaren kontra egin zuen atzo EAJren eta EH Bilduren zinegotzien botoekin. Bi mozio eraman zituzten espetxe politikaren gainean plenora, bata EH Bilduk aurkeztutakoa eta bestea EAJk aurkeztutakoa. Biak aztertu eta biak bozkatuta aurrera egin zuten bi alderdiek proposatutakoak adostasunera iritsita. EH Bilduren mozioa onartuta, Espainiako Gobernuari sakabanaketa politikarekin amaitzea eskatuko diote, “sakabanaketak presoa bere ingurune sozial, afektibo, eta kulturaletik milaka kilometrora urruntzeaz gain, erasoak, isolamendua eta bestelako eskubide urraketak ahalbidetzen duelako”. Eskubide urraketa horiek presoei eragiteaz gain senide eta lagunei ere eragiten dietela nabarmendu zuen Miren Tarragona zinegotziak. Sevilla II espetxeko zuzendariari eta Espetxe Erakundetako Idazkari Nagusia bertan dituzten presoek pairatzen dituzten muturreko bizi baldintzekin amaitzeko ere eskatzea onartu dute EH Bildu koalizioaren mozioaren bidez. Halaber bat egin du udalak presoen eta euren senideen eskaerekin: Mugagabeko isolamenduarekin amaitzea; euskal presoak batera egotea; oinarrizko eskubideak errespetatzea; eta etengabeko jazarpen eta erasoekin amaitzea. Azkenik, herritarrei mozioaren berri eman eta giza eskubideen eta bakearen defentsan antolatzen diren dinamiketan parte hartzera gonbidatzea onartu zuen udalak.
EAJren mozioak presoak beren ohiko bizileuetatik hurbil diren espetxeetara hurbiltzeko prozesua hasteko eskatu zuen aurkeztutako mozioan. Gaixotasun larriak edo sendaezinak dituzten presoak zein jarduera politikoengatik kondenatutako presoak askatzeko eskatu zuen, halaber. Euskal presoei espetxearen araudiaren arabera dagozkien onurak normaltasun eta tratu berdintasunez aplikatzea ere galdegin zien erakunde eskudunei. Seviila IIko zuzendaritzari bertan diren esukal presoek bizi duten mturreko egoerarekin amaitzeko neurriak hartzeko eskatu zion azkenik. EAJren mozioa, aurrekoa bezala, aho batez onartu zuen udalbatzak atzoko saioan EAJko eta EH BIldu koalizioko zinegotzien aldeko botoarekin.
IATko langileen eskaerak, argi berdea
Pleno aretoa jendez gainezka izan zen atzo. Irungo IAT Ibilgailuen Azterketa Teknikoko zerbitzuko langileek mozioa aurkeztu zuten. Gipuzkoako udal guztietan aurkezteko asmoa azalduta Lezoko Udalari babesa eskatu zioten “Eusko Jaurlaritzaren aurrean bitartekari lana egin eta presatu dezan kontsezioa berak egina diolako TÜV Rheiland Iberica enpresari”. Milaka gipuzkoarrei eragiten dien gatazka konpontzeko “egin ahalak burutzeko”eskatu zieten langileek udalari halaber. EAEko gidariei ibilgailuen azterketarako “IAT zentroa libreki hautatzeko eskubidea bermatzeko” egin beharreko gestioak egiteko ere eskatu zioten udalari langileek. Mozioak aurrera egin zuen EH BIlduko zinegotzien aldeko botoekin eta EAJko zinegotzien abstentzioarekin.
65 geldialdi egin dituzte eta 159 greba egunetik gora IATko langileek 2013ko ekainan hasita enpresari hitzarmena berritzeko eskatzeko. “Jarrera itxia” duela ordea enpresak azaldu zuten atzokoan pleno aretoan Irungo IAT zentroko langileek eta horren adierazle, gatazkak dirauen zortzi hilabeteetan enpresa behin baino ez dela langileekin bildu salatu zuten.
Bonantza auzo elkartearen eskaera
Lezo eta Donibane lotzen dituen bideak kezkatuta mozioa aurkeztu zuen Bonantza auzo elkarteak atzoko plenoan Donibane eta Lezoko 34 elkarteren babesarekin. Espaloia istuegia dela eta bizikletan joateko edo oinez arazoak sortzen direla ekarri zuen gogora sinatzaileen izenean plenoan arituz en kideak: “Bide hori arriskutsua da eta ezin dugu onartu horrela jarraitzea. Adundiari espaloia txukuntzeko da eskatzen dioguna. Horretarako Lezoko zein Pasaiako Udalei mozioa babesteko, eta aldundian eskatu nahi dugun bilerara gurkin batera bi udal ordezkari joatea eskatzen diegu”.EH Bilduk eta EAJk babestu zuten Bonantzak egindako eskaera.
Emakumeen autonomiaren eta erabakitzeko eskubidearen defentsan mozioa aurkeztu zuen halaber EH Bilduk PPk borondatezko haurdunaldia eteteko aurreproiektua dela eta. Gai beraren gaineko mozioa aurkeztu zuen halaber EAJk. Euskal presoen gairekin bezala, hemen ere bi mozioak aztertu eta biak onartu zituzten bi alderdiek aho batez.
