Euskal Herriko Mus Txapelketa Oarso Bidasora iritsi da
Oarso Bidasoko herrietan jokatzen hasi dira Euskal Herriko Mus Txapelketako kanporaketak, Euskal Herriko Mus Federazioak antolatuta.Herri bakoitzeko partidetan, hurrengo fasera sailkatzeko aukera izateaz gain, irabazleek sariak dituzte. Sarien, kanporaketen eta finalen informazio zabalagoa Euskal Herriko Mus Federazioaren webgunean dago.
Errenteria-Oreretan, esaterako, hilaren 26an jokatu zituzten 19 bikotek partidak Landare elkartean, eta horietatik hurrengo fasera, Gipuzkoako kanporaketara, Balentxi-Iker, Jon-Santos eta Ander Imanol bikoteak pasatu ziren.
Lezon ere egin zituzten partidak, hilaren 24an, 12 bikotek. Horietatik hurrengo fasera pasatu ziren Ane Aznar-Ander Miner eta Ramon Aginaga-Patxi Iartzabal bikoteak.
Baina asteburu honetan izango dira kanporaketa gehienak, honako ordutegiekin:
- Bihar (hilak 31), 19:00etan San Pedroko Antxetan jokatuko dituzte partidak.
- Etzi (otsailak 1), Antxoko Basari elkartean, 16:00etatik aurrera.
- Etzi (otsailak 1), Trintxerpeko Trintxerren, 16:00etan hasita.
- Etzi (otsailak 1), Libre Asteburuaren barruan, Oiartzungo Girizian, 16:00etatik aurrera.
