'Ali Baba eta 40 lapurrak' antzezlana, Kulturgunean
http://www.youtube.com/watch?v=rsoXpSaR_FA Haurrentzako antzezlana botako dute, hurrengo ostiralean, hilak 31, Errenteria Hiria Kulturgunean: Ali Baba eta 40 lapurrak. 18:00etan hasiko da. Antzerkia 5 urtetik gorako haurrei eta horien gurasoei zuzenduta dago.
Haurrentzako antzezlana botako dute, hurrengo ostiralean, hilak 31, Errenteria Hiria Kulturgunean: Ali Baba eta 40 lapurrak. 18:00etan hasiko da. Antzerkia 5 urtetik gorako haurrei eta horien gurasoei zuzenduta dago.
Ali Baba da istorio horren protagonista: Persiako herri batean bizi den egur biltzaile txiroa. Kobazulo batekin topo egingo du, Ireki zaitez sesamo esan, eta urrez betetako ehunka zaku aurkituko baititu, aurretik lapur batzuek utzitakoak. Diruzalekeria izango da istorioaren muina.
Sarrerak 3 euro balio ditu, eta aurretiaz erosteko, astearte, ostegun eta ostiralean pasatu beharko da kulturguneko leihatilatik. Hiru egun horietan 18:30etik 20:30era egongo da zabalik. Asteazkenetan ere irekiko dute, baina 11:00etatik 13:00etara. Ikuskizun egunean bertan ere emanaldia baino ordu bete lehenago egongo da irekita leihatila.
