Errege Magoen desfilea, Errenteria-Oreretan

18:00etan aterako da desfilea, igandean, hilak 5, Tulle kaletik. 510 kilo gozoki eta 7.000 txokolatezko txanpon banatuko dituzte. 150 lagunek parte hartuko dute.

Erregeen desfilea

Errege desfilea, Errenteria-Oreretan.

510 kilo gozoki eta 7.000 txokolatezko txanpon banatuko dituzte Errege Magoen desfilean, igandean, hilaren 5ean. Zenbaki gehiago ere izango dira: desfilean 150 inguru lagunek parte hartuko dute. Errenteriako Udal Musika Bandak irekiko du desfilea. Jaiotza eta baserritarrez jantzitako 20-25 haur eta Musika Eskolako zortzi trikitilari joango dira horien atzetik. Ondoren, Errege Magoen postariaren karroza, eta azkenik, Errege Magoen karrozak joango dira hogeina antortxerorekin. Desfilea 18:00etan hasiko da, Tulle kaletik (Pontika), eta Maria Lezo, Biteri, Segundo Izpizua, Nafarroa Etorbidea eta Zumardia pasatakoan 19:00etan espero dute udaletxera iristea. Harrera, ordea, iaz bezala Merkatuzarren egingo dute. Aurtengo desfilea lan talde batek antolatu du. Hori Telleri, San Jose-Hijas de la Cruz, Eureka dantza taldea, Jaitoki Furius elkartea aritu dira elkarlanean Gazteria Sailarekin eta Udaltzaingo eta Babes Zibilarekin.  
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.