
Gregorio Berrotaran Nezazaritza saileko zinegotziaren aldeko hileta elizkizunak egingo dituzte gaur arratsaldean Alde Zaharreko parrokian, 19:00etan. Atzo goizean hil zen Berrotaran, 67 urterekin. Aspalditik gaixorik zegoen baina hil den unera arte lan...

Urtarrilaren 12an euskal presoen alde Bilbon egingo duten manifestaziora deitzeko “argazki mundiala” egin nahi dute larunbat honetan Hondarribiko San Pedro kalean, 13:00etan. Herriratik adierazi dutenez, “iaz urtarrileko manifestazioak hainbat jenderen atxikimendua jaso zuen Hondarribian eta aurten ere ala izatea espero dugu”. Aurretik, ostegunean, “manifestazioarekin bat egiten dugula adierazteko eguna” izango da. Hala, egun osoan ‘Ni ere bai. U 12 Bilbon’ leloko pegatinak eramango dituzte soinean, Kaleak bete, kartzelak hustutzeko goiburua izango duen manifestazioarekin atxekimendua adieraziz. Bi ekimen horiekin batera, Gabonetan burutuko dituzten ekintzen berri eman du Hondarribiko Herrira-k. Hilaren 24an Olentzerorekin kantatzera aterako dira eta hiru hitzordu zehatzu dituzte: 11:00etan Olagarron, 13:00etan San Pedro kalean, eta arratsaldez, 17:00etan Muaran. Hilaren 28an, hileko azken ostiralarekin, Hondarribiko eta Irungo elkarretaratzeek bat egingo dute. Irunen elkartuko dira denak, 19:30ean, Zabaltza plazan. Presoen dokumentala, Itsas Etxean Eta 2013ko lehen deialdia urtarrilaren 4rako egin du Hondarribiko Herrira-ko taldeak. Egun horretan Barrura begiratzeko lehioak dokumentala proiektatuko dute Itsas Etxeko Auditoriumean, arratsaldeko zazpirak eta erdietan. Bost zuzendarik egindako dokumentalda da, bost euskal presoren bizi baldintzak eta sentipenak jasotzen dituena.

Javier Busto musikari hondarribiarrak jaso du aurtengo Donostiako Orfeoia-EHU Saria. Larunbatean eman zioten saria eta epaimahaiak argitu zuenez, “musikan burutu duen lan eta ibilbide bikainagatik” saritu dute Busto. Hondarribiarrarekin batera, Nerea Muruamendiaraz eta Olimpia Garcia ikerlariek (ex aequo) jaso dute Donostiako Orfeoia-UPV/EHU saria. Duela hamabi urte eman zuten lehen aldiz eta bi bi helbururekin sortu zen: musika-sortzaileen ibilbide profesionala aitortzea eta musika arloko ikerkuntza bultzatzea. Larunbatean banatu zituzten sariak UPV/EHUko Gipuzkoako Campuseko Ignacio Mª Barriola Zentroaren Auditorioan. Ekitaldian hizlari bezala aritu ziren Jose Maria Etxarri Donostiako Orfeoiko lehendakaria eta Crustina Uriarte EHUko Gipuzkoako Campuseko errektoreordea. Busto bezala, hondarribiarra da Uriarte eta larunbatean bertan jakin genuen Iñigo Urkullu lehendakaria buru izango duen Eusko Jaurlaritzako Hezkuntza eta Kultura sailburu berria izango dela. Larunbateko ekitaldiaren amaieran Donostiako Orfeoiak bere errepertorio tradizionaleko konposizio batzuk eskaini zituen.

Larunbatean Guztion Artean Gipuzkoako Senegaldarren Elkarteak hainbat herrietako gastronomia eta kultura uztartzen zituen topaketa egin zuen Olagarro elkartean. Etiopia, Nikaragua, Ekuador, Senegal eta Dominikar Errepublikako etorkinak elkartu ziren, Hondarribiko herritarrekin batera. Olagarro elkarteak eta Hondarribiko Udalak babestu zuten ekitaldia. Parte hartzaileek ez zuten lan erreza izan, beren jatorrizko herrialdetik plater bakarra hautatu behar izan baitzuten, eta horiek prestatu zituzten. Eguna giro oso onean pasatu zuten eta herri desberdinetako kultura eta esperientzia trukaketa egin ahal izan zuten.

Atzo goizaldean Gregorio Berrotaran Etxeberria Landa Garapenerako zinegotzia hil zen. 67 urte zituen eta gaixotasun luze baten ondorioz hil zen, baina azken unera arte udalean lanean izan zen Berrotaran. Hala, azaroaren 16an, udalak konpondu dituen lan...

84 lagunek erantzun duten galdeketa Elorsoroko arduradunek planteatutako galdeketa, eta horietako gehienek erabakitakoaren arabera, Elorsoro kiroldegia bi astez egongo da itxita 2013ko abuztuan, mantenu lanak egiteko: hilaren 1etik 15era. Bi aste bakar...

145 prosa lan eta 86 poesia lan aurkeztu dituzte herriko ikasleek; irabazleen lanekin liburuxka egingo dute XXV. Prosa eta Poesia Lehiaketaren sariak banatu zituzten herenegun, udaletxeko areto nagusian, Irati Etxebeste euskara zinegotziak eta Aitziber Arnaiz euskara teknikariak aurkeztutako ekitaldian. Herriko ikasleek 231 lan aurkeztu dituzte aurten, eta horietatik 30 saritu ditu epaimahaiak (behean, irabazleak). Sari banaketan zehar ikasleek euren sormen lanak irakurri zituzten jendaurrean. Lehen Hezkuntzako Hirugarren Mailatik gorako (batxilergoa barne) Oiartzungo ikasleek har dezakete parte lehiaketan. Aurten, 145 prosa lan aurkeztu dituzte, eta 86 poesiakoak. Herriko idazle gazteen artean, udaleko Euskara Sailak izendatutako epaimahaiak aukeratu ditu saridunak: «Epaile lanetan literatura, hezkuntza eta euskalgintzaren arloan aritzen diren lagun eta talde hauek aritu dira: Pello Añorga; Iñaki Arbelaitz; Sohalge Arbelaitz; Imanol Irigoien; Antton Kazabon; Intxixu AEK euskaltegia; Goiatz Labandibar; Oiartzungo Bertso Eskola eta Ttur-Ttur Euskaltzaleon Bilgunea». Orain, saritutako lanekin osatutako liburuxka argitaratuko dute, urtero bezala. Liburuxka horiek, LH3tik gorako herriko ikasle guztiei banatuko dizkiete. Arkaitz Goikoetxeak egingo ditu liburuxkako zuzenketak. Saridunak Prosa 1go Saila. Ekiñe Arjona; Beñat Albisu eta Oihane Irastorza. 2. Saila. Ekain Sein; Irati Barron eta Iker Irigoien. 3. Saila. Alaitz Lizaso; Araitz Sagarna eta Beñat Landa. 4. Saila. Amaia Cortes; Maddi Puy eta Naroa Del Rio. 5. Saila. [...]

Gabonetako kontzertu berezia eskainiko dute Xatz eta Eskifaia abesbatzek larunbatean, Portuko elizan. 20:30ean hasiko dira eta sarrera doan izango da. Urtero egiten duten ekitaldi honetara jende asko hurbiltzen denez, emanaldia hasi baino zertxo bait l...

Larunbat eguerdian XXIX. Bordari eta Satarka literatura lehiaketen sari banaketa egin zuten udaletxeko areto nagusian. Udaleko euskara saileko arduradunak eta zenbait zinegotzi elkartu ziren bertan, saridunekin, eta epaimahaia osatu duten pertsonekin. Epaimahaia honako hauek osatu dute aurten: Bordari Lehiaketan, Jexux Mari Mendizabal, Mayi Iza, Juan Garzia eta Karlos Zabalak; eta Satarka Lehiaketan, Martin Iturbe, Markox Balentziaga eta Mertxe Mitxelena izan dira. Batean zein bestean, Txomin Sagarzazu Euskarako zinegotziak eta Karmelo Goikoetxea Euskara teknikariak parte hartu dute. Guztira 60 lan aurkeztu dituzte aurten Hondarribiko euskarazko literatur lehiaketetan, 29 ipuin (21 A mailan eta 8 B mailan), eta 31 olerki (24 eta zazpi). Unai Oiartzun kazetaritza ikasle irundarrak irabazi du aurtengo Bordari Literatur Lehiaketa, Sekretua hilobira lanarekin. Bigarren Asier Osinalde geratu da, Lehenengo bezeroa ipuinarekin, eta Ainara Elizondorentzat izan da Hondarribiko lan onenaren saria; Haizea isiltzen denean lana aurkeztu du Elizondok. B mailako sari nagusia Izurdeek badakite dantzan lanarentzat izan da, Laura Gallegok idatzitakoa. Hondarribiko lan onenaren saria ere beretzat izan da. Bigarren Nahia Puente geratu da, Eskubeltz kontakizunarekin. Olerki saria etxean geratu da Mikel Arruabarrenak irabazi du Satarka Olerki Lehiaketako A Maila, Bohemia lanarekin. Etxekoa izanik, Hondarribiko lan onenaren saria ere berarentzat izan da. Izenak izanari zor goiburuko olerkiarekin, Ainara Elizondo [...]