Judas Arrieta hondarribiarrak Show Room estudioa irekiko du Irunen
Judas Arrieta artista hondarribiarrak sormenaren bidean bere hogeigarren urteurrena beteko du datorren urtean, eta hori ospatzeko helburuarekin, zenbait ekimen prestatzen ari da. Horien artean, Show Room–Art Outlet estudio bat egokituko du Irunen abe...
Judas Arrieta artista hondarribiarrak sormenaren bidean bere hogeigarren urteurrena beteko du datorren urtean, eta hori ospatzeko helburuarekin, zenbait ekimen prestatzen ari da. Horien artean, Show Room–Art Outlet estudio bat egokituko du Irunen abendutik martxora bitartean, manga arteari lotutakoa.
1993. urtean ekin zion bere lehenbiziko erakusketari Arrietak eta orduz geroztik, mundu osoan zehar bere lana hedatzea lortu du. Hala, Japonia, Korea, Hong Kong, Singapur, Txina, Australia, Ameriketako Estatu Batuak eta Europan zehar zabaldu ditu bere artelanak, hainbat erakusketaren bitartez. Horiek horrela, 20 urtean ekoiztutako lanak erakutsiko ditu Irungo estudioan. Bertan egongo da artista, bere lan egiteko era jarraitzaileei erakutsiz eta bisita gidatuak eskainiz. Halaber, bere artelanak in situ erosteko aukera izango dela jakinarazi du artistak.
Estudioa bisitatzeko interesa duten lagunek aldez aurretik hitzordua finkatu beharko dute, helbide elektroniko bidez, edo bestela, 649 07 44 06 telefono zenbakira deituz.
