Herriko San Tomas jaia, Txerri Eguna, igande honetan egingo dute
10:30etik aurrera artisau azoka izango da plazan; Ttur-tturrek Liburu eta Disko Azoka ere antolatu du Urtea bukatzearekin batera, ohiko bihurtu diren bi hitzordu antolatu ditu Ttur-ttur Euskaltzaleon Bilguneak, udalarekin elkarlanean: Txerri Eguna, eta Liburu eta Disko Azoka. Lehena, igandean ospatuko dute, ohi bezala, San Tomas Egunaren aurreko igandean. Artisau erakusketa antolatu du Ttur-tturrek iganderako. 34 postutan, denetarik aurkitzeko tartea izango dute plazara hurbiltzen direnek, 10:30etik aurrera: gazta, barazki eta fruta ekologikoak, taloak, ukenduak, bitxiak, egurrezko tailak, oihalezko txotxongiloak, arropa… Jateko eta edateko aukera gehiago ere izango da herriko ikastetxeetako ikasleei esker. Postuak jarriko dituzte helduenek, euren ikasbidaietarako dirua lortzeko asmoz. Oiartzun Irratiak saio berezia egingo du azokaren harira. 11:00etatik aurrera entzun ahal izango dute hurbildu ezin eta interesa dutenek, FM107an edo www.oiartzunirratia.org webgunean. 13:00etan, azokako produktuen sorta bat zozkatuko dute. Txerri Egunean parte hartzeko deia ez ezik, baserritarrez janzteko deia egin du Ttur-tturrek: «Urtero bezala, sortuko den giro beroari berezitasuna emateko». Azoka, etzitik aurrera Liburu eta Disko Azoka, etzi zabalduko dute udaletxeko areto nagusian. Hilaren 24ra arte bisitatu ahal izango da, honako ordutegian: 11:00etatik 13:00etara, eta 17:00etatik 20:00etara. Honako egunetan, baina, itxita egongo da: hilaren 15ean goizean; hilaren 16an, 19an eta 24an arratsaldean, eta hilaren 21ean eta 23an egun osoz. [...]
10:30etik aurrera artisau azoka izango da plazan; Ttur-tturrek Liburu eta Disko Azoka ere antolatu du
Urtea bukatzearekin batera, ohiko bihurtu diren bi hitzordu antolatu ditu Ttur-ttur Euskaltzaleon Bilguneak, udalarekin elkarlanean: Txerri Eguna, eta Liburu eta Disko Azoka. Lehena, igandean ospatuko dute, ohi bezala, San Tomas Egunaren aurreko igandean.
Artisau erakusketa antolatu du Ttur-tturrek iganderako. 34 postutan, denetarik aurkitzeko tartea izango dute plazara hurbiltzen direnek, 10:30etik aurrera: gazta, barazki eta fruta ekologikoak, taloak, ukenduak, bitxiak, egurrezko tailak, oihalezko txotxongiloak, arropa…
Jateko eta edateko aukera gehiago ere izango da herriko ikastetxeetako ikasleei esker. Postuak jarriko dituzte helduenek, euren ikasbidaietarako dirua lortzeko asmoz.
Oiartzun Irratiak saio berezia egingo du azokaren harira. 11:00etatik aurrera entzun ahal izango dute hurbildu ezin eta interesa dutenek, FM107an edo www.oiartzunirratia.org webgunean. 13:00etan, azokako produktuen sorta bat zozkatuko dute.
Txerri Egunean parte hartzeko deia ez ezik, baserritarrez janzteko deia egin du Ttur-tturrek: «Urtero bezala, sortuko den giro beroari berezitasuna emateko».
Azoka, etzitik aurrera
Liburu eta Disko Azoka, etzi zabalduko dute udaletxeko areto nagusian. Hilaren 24ra arte bisitatu ahal izango da, honako ordutegian: 11:00etatik 13:00etara, eta 17:00etatik 20:00etara. Honako egunetan, baina, itxita egongo da: hilaren 15ean goizean; hilaren 16an, 19an eta 24an arratsaldean, eta hilaren 21ean eta 23an egun osoz.
Irakurzaletasuna, euskara irakurtzera eta euskarazko musika entzutera bultzatzea, euskarazko liburugintza sustatzea, euskarazko musika ezagutaraztea, eta liburugintza eta diskogintza herrira hurbiltzea dira azokaren helburuak.
Azokaz gain, beste hainbat ekitaldi antolatu ditu Ttur-tturrek egun horietarako (behean).
Egitaraua
Liburu eta Disko Azoka
- Etzi, ostirala. Ilunabar literarioa. Idazle Eskolakoen eta herriko idazleen eta musikarien eskutik, 19:30ean, udaletxeko areto nagusian.
- Etzidamu, larunbata. Beira taldearen emanaldia, 19:30ean, Amazkar tabernan.
- Hilak 16, igandea. Ipuin Berri on, Urte Zahar! Maite Frankoren ipuin kontaketa, 17:30ean, udaletxeko areto nagusian.
- Hilak 22, larunbata. Txondorra oiartzuarren baitan bideo emanaldia, 16:30etik aurrera, Arditurrin.
- Hilak 23, igandea. Hura ez da lekua antzezlana, Metrokoadrokaren eskutik. 19:00etan, udaletxeko areto nagusian.
- Hilak 28, ostirala. Erramun Martikorenaren eta Mikel Markezen kontzertua, 22:30ean, udaletxeko areto nagusian.
- Azoka. Etzitik hilaren 24ra arte, udaletxeko areto nagusian.
Txerri Eguna, hilak 16
- 10:30ean. Artisau azoka zabalduko dute. 34 artisauren postuak egongo dira bertan: gazta, barazki eta fruta ekologikoak, taloak, ukenduak…
- 11:00etan. Oiartzun Irratiaren zuzeneko saioaren hasiera.
- 13:00etan. Azokako produktuen zozketa.
