Unai Gaztelumendi nabarmendu da Xenpelar Sarietako kanporaketetan
Badaude finalistak bertsolari gazteen XXI. Xenpelar Sarietarako. Sei izango dira larunbatean Errenteria Hiria Kulturguneko oholtzara igoko diren bertsolariak: Aitor Urbieta eta Oier Aizpurua zarauztarrak, Gorka Maiz gabiriarra, Unai Gaztelumendi añorgarra, Peio Ormazabal arrigorriagarra eta Jone Uria getxotarra. Joan den asteburuan azken bi kanporaketak egin zituzten, eta horietan Unai Gaztelumendi nabarmendu zen. Guztira, 230,5 puntu lortu zituen añorgarrak, bigarrenari, Peio Ormazabali, 17,5 puntuko aldea ateraz. Berez, larunbatean kantatzekoa zen Gaztelumendi, baina ostiralean lehiatu zen, Iker Agirreren tokian. Hurrengo egunean, berriz, bere partez Mikel Artola aritu zen. Bigarren kanporaketan maila handia erakutsi zuten bertsolariek, eta lehen hiruen artean puntu kopuru handia lortu zuten. Esate baterako, bigarren sailkatuak, Ormazabalek, hirugarren kanporaketako irabazlearen puntu kopuru bera lortu zuen. Hirugarren kanporaketa, hain zuzen, Aizpuruak irabazi zuen, eta bigarren geratu zen Uria. Larunbateko lehian erabakiko da nork jantziko duen Xenpelar Sarien txapela. Ekitaldia antolatzen duen Xenpelar Bertso Eskolak Errenteria Hiria Kulturgunea ahalik eta gehien betetzea espero du, ez baitute jende gehiegi erakarri kanporaketetan: 20-30 lagun inguru. Sarrerak dagoeneko salgai daude Errenteria Hiria Kulturguneko lehiatilan, 3 euroan. Prezio horretan, ahalik eta jende gehien animatzea espero dute. Joatea erabakitzen dutenek, bertso saioaz gain, bertso eskolak Xabier Euzkitzeri egindako omenaldia ikusteko aukera izango dute. Euzkitzek 1983 eta 1984. urteetan [...]
Jende gehien hirugarren kanporaketan bildu da
Badaude finalistak bertsolari gazteen XXI. Xenpelar Sarietarako. Sei izango dira larunbatean Errenteria Hiria Kulturguneko oholtzara igoko diren bertsolariak: Aitor Urbieta eta Oier Aizpurua zarauztarrak, Gorka Maiz gabiriarra, Unai Gaztelumendi añorgarra, Peio Ormazabal arrigorriagarra eta Jone Uria getxotarra. Joan den asteburuan azken bi kanporaketak egin zituzten, eta horietan Unai Gaztelumendi nabarmendu zen. Guztira, 230,5 puntu lortu zituen añorgarrak, bigarrenari, Peio Ormazabali, 17,5 puntuko aldea ateraz.
Berez, larunbatean kantatzekoa zen Gaztelumendi, baina ostiralean lehiatu zen, Iker Agirreren tokian. Hurrengo egunean, berriz, bere partez Mikel Artola aritu zen.
Bigarren kanporaketan maila handia erakutsi zuten bertsolariek, eta lehen hiruen artean puntu kopuru handia lortu zuten. Esate baterako, bigarren sailkatuak, Ormazabalek, hirugarren kanporaketako irabazlearen puntu kopuru bera lortu zuen.
Hirugarren kanporaketa, hain zuzen, Aizpuruak irabazi zuen, eta bigarren geratu zen Uria.
Larunbateko lehian erabakiko da nork jantziko duen Xenpelar Sarien txapela. Ekitaldia antolatzen duen Xenpelar Bertso Eskolak Errenteria Hiria Kulturgunea ahalik eta gehien betetzea espero du, ez baitute jende gehiegi erakarri kanporaketetan: 20-30 lagun inguru.
Sarrerak dagoeneko salgai daude Errenteria Hiria Kulturguneko lehiatilan, 3 euroan. Prezio horretan, ahalik eta jende gehien animatzea espero dute.
Joatea erabakitzen dutenek, bertso saioaz gain, bertso eskolak Xabier Euzkitzeri egindako omenaldia ikusteko aukera izango dute. Euzkitzek 1983 eta 1984. urteetan jantzi zuen txapela Xenpelar Sarietan.
