Irungo CAFeko langileek lanuzteekin bat egin dute
Irungo CAFeko langileek Beasaingo langileen protestekin bat egin dutela jakinarazi du gaur Xabier Zufiria Oarso Bidasoko LABeko metal arloko ordezkariak. Lan produkzioa gutxitu dela eta, sei hilabeteko lan erregulazio espedientea aplikatuko zuela jakit...
Irungo CAFeko langileek Beasaingo langileen protestekin bat egin dutela jakinarazi du gaur Xabier Zufiria Oarso Bidasoko LABeko metal arloko ordezkariak. Lan produkzioa gutxitu dela eta, sei hilabeteko lan erregulazio espedientea aplikatuko zuela jakitera eman zuen orain gutxi enpresaren zuzendaritzak eta ondorioz, protestei ekitea erabaki zuten langileek.
Batez ere Beasaingo lantegiari eragiten dion neurria dela adierazi du LAB sindikatuko kide Zufiriak, baina hala ere, ados ez daudela eta halako negoziaziorik onartuko ez dutela nabarmendu du. “Irabazi handiak dauzkan enpresa da”, adierazi du eta espedientearen aurrean “beldur” direla esan du: “espediente hau onartzen bada, horren atzetik beste bat aplikatuko dela uste dugu”.
Lan erregulazio espedientea aplikatu aurretik beste aukera batzuk badirela aipatu du Zufiriak –egutegi aldaketak…– eta guzti honen aurrean, Irungo CAFeko lantegian ere protestak mantenduko dituztela argi utzi nahi izan du kideak.
