Topoak 100. urteurrena beteko duela eta, Irungo Udalak 2013. urteko egutegia horren argazkiekin osatuko duela jakitera eman du. Irungo Argazkilaritza Elkarteak (IAE) eta Bidasotarra 7301- Amigos del Ferrocarril elkarteak argazkien bilduma osatzen lagundu dute. Topoak Irunetik Donostiara egindako lehen joan-etorriaren 100 urte beteko dira, bihar –abenduak 5–, baina 1913. urtera arte ez zen erabat finkatu zerbitzua. Hendaiarainoko ibilbidea ere osatu zen urte hartan. Hala ere, ibilbidearen estreinaldian istripua eduki zuen bide estuko trenak. Irundarrek emandako laguntzarengatik titulu “oso humanitarioa” eman zion Alfontso XIII. erregeak Iruni. Istripuaren gaineko irudiak ere bilduko ditu egutegiak. Banaketa Tokiko gobernuak jakinarazi duenez, egutegiaren 12.000 ale argitara emango dira abenduaren 18rako. Jose Antonio Santano alkateak banatuko ditu lehen aleak, abenduaren 18an bertan, HAZ bulegoan (11:00). Bestela ere, HAZ bulegoan bertan eskuratu ahal izango dituzte interesatuek.
Orlegi ekodendak Makrobiotika ikastaroa antolatu du abenduaren 15erako, larunbatarekin. Izen emate epea irekita dago dagoeneko eta antolatzaileek jakinarazi dutenez, leku mugatuak daude bertan parte hartzeko. Hala, interesatuek 943625983 zenbakira jo d...
Ramon Roteta sukaldari eta eskultore hondarribiarra Huarten (Nafarroa) izan da asteburuan, Hondarribian urriaren 15etik 18ra egin zen VII. Euskal Herriko Pintxo Txapelketako irabazleen Abaco tabernan. Txapelketarekin batera, Rotetaren eskultura bat irabazi zuten Jesus Iñigo eta Nerea Sistiaga tabernako arduradunek, eta artelan hori pertsonalizatuta eraman zien eskultoreak asteburuan. Eskultura hainbat laminaz osatuta dago, eta horietako batean txapeldunen izen abizenak idatzi ditu Rotetak eta beste batean txapelketako gainontzeko saridunenak.
Mahai teniseko Emakumeen Superdibisio ligako Leka Enea taldeak 0-4 galdu zuen igandean, Galiziako Arteal-Santiago taldearen aurka. Olatz Zuaza, Maria Izquierdo eta Paula Bueno Leka Eneako jokalariek ez zuten partidarik irabazi. Porrotaren ondotik, sail...
Lupa dokumentalen mostra martxan da seigarren urtez, eta dagoeneko lanak entregatzeko epea ireki dute: otsailaren 8ra arte egin ahal izango da. Topaketa hori martxoaren 28tik 31ra arte egingo dute, Banda Bat eta Mikelazulo kultur elkarteak antolatuta, ...
Bidasoa-Irun eskubaloi taldea Pontevedrako (Galizia) SD Teucroren aurka lehiatu zen larunbatean, Artaleku kiroldegian. Galiziako jokalariek ireki zuten markagailua (0-3) eta irundarrek ezer gutxi egin ahal izan zuten bukaerara arte. 26-30 galdu zuten a...
Real Union taldeak 1-0 irabazi zuen herenegun Gimnastica de Torrelavega taldearen kontra, Stadium Galen. Txuri-beltzek hiru puntu eskuratu zituzten eta horri esker, sailkapen nagusiko seigarren postuan mantentzea lortu dute, 23 punturekin. Imanol Idiak...
Bihar hasiko da atez atekoaren gaineko parte hartze prozesuaren bigarren bilera sorta
Bihar piztuko dute Hondarribian gabonak iragarriko dituen argizteria berezia. 2013ko urtarrilaren 14ra arte piztuko dituzte argiak gauero, honako lekuetan: Kale Nagusia, San Pedro kalea, Mendelu eta Amute, Kasino Zaharra, San Gabriel egoitza, eta San N...
Larunbateko jaieguna dela eta, Moskuko azoka ostiralean, abenduaren 7an, egingo dela jakitera eman du udalak. Urdanibia plaza inguruko trafikoak eta 3L autobus zerbitzuak ohiko aldaketak jasango dituzte azoka iraun bitartean.
Itxaropena sortzea egungo krisi eta probezia testuinguruan hitzaldia antolatu du Argoiak kultur elkarteak biharko. Hizlaria, Joxerra Trebiño izango da eta hitzordua, elkartearen egoitzan bertan finkatu dute, 17:00etatik aurrera.
Errenteria-Oreretako langabeek aukera bikaina daukate euskara ikasteko. Errenteriako Udalak ikastaro bat martxan jarriko du urtarrilean, eta doakoa izango da herriko langabeentzat. Ikastaroak urtarriletik martxora arte iraungo du, eta dagoeneko izena eman daiteke hilaren 14ra bitartean (ostirala) udal euskaltegi zein Xenpelar AEK euskaltegian. Bi toki horietan emango dituzte eskolak. Ikastaroetan parte hartzeko hainbat baldintza bete beharko dituztela azaldu du Irune Balentziaga Kultura zinegotziak. Hala nola, herrian erroldatuta egon beharko dute, langabezian daudela frogatzen duen Lanbideren egiaztagiria aurkeztu, eta gutxienez, eskolen %85era joan. Zentzu horretan, ez dutela arrazoitu gabeko bajarik onartuko zehaztu du. Baldintza horietakoren bat urratuz gero, doan jasotzeko aukera galduko dute. Horrez gain, ikastaroa aurrera ateratzeko, hamar laguneko taldea osatu beharko da, eta ikasle guztiek euskara maila beretsua eduki beharko dute. Langabeen proposamena Langabeen batzarraren proposamenetik abiatuta, udalak udazkenerako ere martxan jarri zuen langabeentzako euskara ikastaroa, baina Irune Balentziaga Kultura zinegotziak azaldu duenez, ezin izan diete dohainik eskaini, ordenantza fiskalak direla eta. Hala ere, hainbat aldaketa egitea lortu dute, eta ikastaro horietan parte hartu duten gehienei ordaindutakoaren %100 bueltatu zaiela gaineratu du. Urtarrileko ikastarorako ez dira ordenantza fiskalak oztopo izango, eta baldintzak betez gero, ikastaroak doakoak izango dira. Udazkeneko saioek urriaren 1tik abenduaren 20ra arte iraungo dute. Udal euskaltegian hamahiru [...]
Lehen aldiz klimaren arabera, geotermia edo aerotermia egokiena den frogatzeko ikerketa bat egingo dute, eta bertan parte hartuko du Don Bosco lanbide heziketako institutuak. Beste bi zentro ere badaude: IES Inca Garcilaso de Montilla (Kordoba, Espaini...
Korrika egitea proposatu du Oiartzungo Herrirak preso eta iheslarien egoera salatu eta eurei elkartasuna adierazteko modu bezala. Zentzu horretan, lehenengoz, herri lasterketa antolatu du Oiartzunen, eta hilaren 30ean izango da, goizez. Ibilbidea 6,5 kilometrokoa izango da, eta 200 korrikalari biltzea da helburua. Partaide guztien artean, presoengandik bereizten dituzten 1.200 kilometroak osatzea nahi dute antolatzaileek: “Herriko presoak bisitatzera joateko hainbat kilometro egin behar dira astero. Denera, Oiartzungo presoak 1.200 kilometrora daude, eta 200 lasterkari lortu nahi ditugu, pausoz pauso espetxeetara elkartasuna bidaltzeko”. Elkartasun hori ez dute aurtengo urtera mugatu nahi, eta aurrera begira ere antolatzen jarraitzeko asmoa agertu du Herrirak, “hutsik dauden aulkiak bete arte”. Haur, gazte eta helduentzat Dagoeneko izena emateko aukera dago lasterketa horretan, eta haur, gazte zein helduak animatu dituzte elkartasun keinu hori egitera, oiartzuar zein inguruko herritarrak izan. Izena herriko tabernetan eman daiteke. Izena emateko 6 euro ordaindu behar dira, eta trukean, kamiseta bat jasoko dute opari partaideek. Era berean, elastikoaren neurria zehaztu beharko da. Hori dela eta, izena ahalik eta lasterren ematea gomendatu dute, azken momentuan eginez gero, “neurria hautatzeko aukerarik ez baita izango”. Elastikorik nahi ez duenak, berriz, 2 euroren truke eman ahal izango du izena. Hilaren 30ean, beraz, 11:30ean irtengo da haurren lasterketa, eta [...]
Kadete Mailako Areto Softboleko Euskadiko Txapelketa jokatuko dute larunbatean, 10:00etatik aurrera, Galtzarabordako kiroldegian. Lau taldek parte hartuko dute, horien artean, Errenteria-Oreretako Rentoksek, txapelketaren antolatzaileak. Gainonontzeko ...
Hondarribiko Udalan ordezkaritza duten alderdi guztiek bat egin zuten atzo Euskararen Nazioarteko Egunaren harira adierazpen instituzional bat sinatzeko. EAJ, Bildu, PSOE, Hamaikabat eta PP ados jarri ziren iazko udazkenean erakundeak berritu zuen Euskara Biziberritzeko Plan Nagusiko lerro nagusiak berresteko: “Udal zerbitzuetan herritarren arretarako hizkuntza eta laneko hizkuntza izan dadin sustatzeko neurriak hartuko ditu, udalerrian gizarte erabilera areagotzeko erabakiak hartuko ditu eta euskalduntzea nahiz alfabetatzea lantzeko programarekin jarraituko du”. Onartutako adierazpen instituzionalean, Euskararen Nazioarteko Eguna (atzo) “gure hizkuntzarekiko dugun konpromisoa berresteko eguna” zela zioten herriko ordezkariek ahobatez: “Herritarrei eta herri erakundeei dagokie legeok dituzten ahalmenak garatzea, euskarak erabilera eskasa duen esparruetan handituz, erabiltzen den esparruetan sendotuz, eta hiztun berrien beharretara egokituz. Azken finean, euskararen erabilera bultzatu behar da bizitzako esparru guztietan. Hala nahi duen orok euskaraz bizitzeko parada izan dezan”. Mintzodromo arrakastatsua Euskararen Eguna zela eta, Mintzodromoa egin zuten atzo goizean Kasino Zaharra adinekoen egoitzako goiko solairuan. Udaleko Euskara departamendutik eta udal euskaltegitik egindako deia jarraituz, hamarnaka pertsona elkartu ziren bi orduz, euskaraz praktikatzeko. Gehienak, euskara ikasleak ziren, baina ekimenarekin bat egin nahi izan zuten herritarra eta alderdi desberdinetako zinegotziak ere elkartu ziren lehen Mintzodromoan.
Gabonetako sukaldaritza tailerra egingo dute gaur arratsaldean Emeki emakume elkartearen egoitzan, 18:30ean hasita. Aurreratu dutenez, baiekin eta loreekin sukaldatzen ikasiko dute. Tailerra irekia da, elkartekoak ez diren pertsonentzat ere.
Antxoko kantu jirakoek entsegua egingo dute bihar arratsaldean, hilaren 15eko saioa prestatzeko. Kultur Etxean egingo dute berriro, eta saioa 19:30ean hasiko da.
Gastronomia arloko Herrialde Katalanetako kazetari talde batek Irun eta Hondarribia bisitatuko du ostiral eta larunbatean, enogastronomia sustatzeko Basquetourrek antolatutako ekimen baten barruan. Hilaren 6tik 9ra Euskal Herrian izango dira, eta gastronomia eta ardoarekin harremana duten leku turistikoak bisitatuko dituzte, horien artean Hondarribia eta Irun. Gure eskualdera ostiral arratsaldean iritsiko dira eta Hondarribiko Jaizkibel hotelean egingo dute lo. Ostiral arratsaldean Irun bisitatuko dute. Ola sagardotegian izango dira, sagardoaren prozesua ezagutzen. Ondoren hiri erdialdea bisitatuko dute. San Juan plaza inguruan mokadutxo bat jateko aukera izango dute. Afaria Olaberria auzoan egingo dute, Trinkete Borda jatetxean. Hondarribian, ostiralean lo egiteaz gain, larunbat arratsaldean izango dira. Gipuzkoan zehar mugituko dira larunbatean, goizean Donostian eta Getarian, eta arratsaldean Tolosan. Eguerdian, Hondarribiko pintxoak ezagutzeko aukera izango dituzte, Alde Zaharrean hasi eta Portu auzoan bukatuko den bisitaldian. Hiria ezagutzeaz gain, Gran Sol eta Goxodenda tabernetan aterako dizkiete pintxoak jateko. Araban eta Gipuzkoan Eskualdera etorri aurretik Araban izango dira kazetari katalanak, besteak beste, Errioxako ardoak dastatzen eta inguruan sortu duten turismoa ezagutzen. Ostegunean izango da hori, eta ostiralean, Behe Bidasoara etorri baino lehenago, Gasteizen izango dira. Arabako hiriburuko tabernetan zerbitzen dituzten pintxoak eta ardoak dastatuko dituzte. Hala, Alde Zaharreko Aldapa kaleko Toloño ostatu ospetsuan izango dira pintxoez osaturiko hamaiketakoa hartzen. [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
