Teresa Egurrolaren senideei dolumina adierazi diete TASeko kideek
Teresa Egurrola Araiako (Araba) bizilagunaren hilketa salatu du Txingudi Anti-sexista (TAS) plataformak gaur arratsaldean, Zabaltza plazan 25 bat lagunek egindako elkarretaratzean. Senide eta lagunei “dolumina” helarazi diete, eta tankera honetako gertaeren aurrean euren “etsipena” agerian utzi nahi izan dute. “Berriz ere kalera atera behar izan dugu genero indarkeriaren ondorioz gertatutako heriotza bat salatzera, eta hala egingo dugu genero indarkeria edo sexu erasoren bat gertatzen den bakoitzean”, adierazi dute TASeko kideek. Araiako bere etxean hil zuen Egurrola, ustez haren senarrak eta ondoren, bere buruaz beste egin zuen Zigor Kodea Pankartaren atzean bildu ziren azkeneko aldian bortxaketa saiakera bat salatzeaz gain, horren ustezko egilea atxilotu eta egun gutxira aske gelditu zela gogora ekarri du kolektiboak. “Agian gizartearen presioak lortu zuen agintari judizialek berriz espetxeratzeko agintzea”, adierazi dute plataformako kideek. “Salatu nahi dugu gure Zigor Kodean zein balio txikia duen hildako edo bortxatutako emakume baten bizitzak gizarte patriarkal eta matxista honetan”, gaineratu dute.
Teresa Egurrolaren hilketa salatzeko TASek deitutako kontzentrazioa
Teresa Egurrola Araiako (Araba) bizilagunaren hilketa salatu du Txingudi Anti-sexista (TAS) plataformak gaur arratsaldean, Zabaltza plazan 25 bat lagunek egindako elkarretaratzean. Senide eta lagunei “dolumina” helarazi diete, eta tankera honetako gertaeren aurrean euren “etsipena” agerian utzi nahi izan dute.
“Berriz ere kalera atera behar izan dugu genero indarkeriaren ondorioz gertatutako heriotza bat salatzera, eta hala egingo dugu genero indarkeria edo sexu erasoren bat gertatzen den bakoitzean”, adierazi dute TASeko kideek.
Araiako bere etxean hil zuen Egurrola, ustez haren senarrak eta ondoren, bere buruaz beste egin zuen
Zigor Kodea
Pankartaren atzean bildu ziren azkeneko aldian bortxaketa saiakera bat salatzeaz gain, horren ustezko egilea atxilotu eta egun gutxira aske gelditu zela gogora ekarri du kolektiboak. “Agian gizartearen presioak lortu zuen agintari judizialek berriz espetxeratzeko agintzea”, adierazi dute plataformako kideek. “Salatu nahi dugu gure Zigor Kodean zein balio txikia duen hildako edo bortxatutako emakume baten bizitzak gizarte patriarkal eta matxista honetan”, gaineratu dute.
