Etxe kaleratzeen kontrako mozioa aho batez onartu du Errenteriako Udalbatzak
Udalbatzar motza baina mamitsua izan zen herenegungoa. Zinegotziek bost puntuko gai ordena zeukaten eztabaidatzeko, eta horien artean, pil-pilean dagoen eta herrian eragiten ari den gai bat: etxe kaleratzeena. PSE-EEk aurkeztutako mozioa aho batez onartu zuen Udalbatzak. Hala nola, Espainiako Gobernuari hipoteken araudia aldatzeko eskatu diote, eta etxebizitza ordainean ematearen figura kontuan hartzeko. Horrekin batera, etxe kaleratzeak bi urteko epean eteteko galdegin diote, bankuaren praktika onarenpean dauden kasuetan. Epe berean etxe kaleratzeak geratzeko eskatu die finantza erakundeei Udalbatzak. Eusko Jaurlaritzarengana ere zuzendu da, eta etxebizitza parke bat sortzeko galdegin dio, “alokairu sozialen bidez kaleratu dituztenen etxebizitza eskubidea bermatzeko”. Gai ordenak bultzatuta, Stop Kaleratzeak taldeko kideek ere udalbatzarrean parte hartu zuten, eta neurri zehatzagoak planteatu zituzten. Bat egin zuten araudi aldaketarekin, baina urrunago joan ziren, eta Espainiako Gobernuak araudi aldaketa onartuko ez balu, Gasteizko legebiltzarrak etxebizitza eskumena eskatzea proposatu zuten. Zentzu horretan, bi urteko moratoriak ez direla nahikoak adierazi zuten, “egoera ekonomikoak okerrera” egingo duela iritzita, batetik, eta “kaleratu dituzten edo arriskuan dauden familiei ez dielako irtenbiderik ematen Espainiako Gobernuak”. Etxebizitza parkearekin bat egin zuen Stop Kaleratzeak-ek, baina, udalarengana zuzendu zen, eta kaleratzeen ondorioz, hutsik geratu diren etxebizitzen errolda egiteko proposatu dio, batik bat babes ofizialeko etxebizitzak kontuan hartuta. Errolda horren bidez, [...]
Stop Kaleratzeak taldeko kideek hitza hartu zuten herenegungo udalbatzarrean
Udalbatzar motza baina mamitsua izan zen herenegungoa. Zinegotziek bost puntuko gai ordena zeukaten eztabaidatzeko, eta horien artean, pil-pilean dagoen eta herrian eragiten ari den gai bat: etxe kaleratzeena. PSE-EEk aurkeztutako mozioa aho batez onartu zuen Udalbatzak.
Hala nola, Espainiako Gobernuari hipoteken araudia aldatzeko eskatu diote, eta etxebizitza ordainean ematearen figura kontuan hartzeko. Horrekin batera, etxe kaleratzeak bi urteko epean eteteko galdegin diote, bankuaren praktika onarenpean dauden kasuetan. Epe berean etxe kaleratzeak geratzeko eskatu die finantza erakundeei Udalbatzak.
Eusko Jaurlaritzarengana ere zuzendu da, eta etxebizitza parke bat sortzeko galdegin dio, “alokairu sozialen bidez kaleratu dituztenen etxebizitza eskubidea bermatzeko”.
Gai ordenak bultzatuta, Stop Kaleratzeak taldeko kideek ere udalbatzarrean parte hartu zuten, eta neurri zehatzagoak planteatu zituzten. Bat egin zuten araudi aldaketarekin, baina urrunago joan ziren, eta Espainiako Gobernuak araudi aldaketa onartuko ez balu, Gasteizko legebiltzarrak etxebizitza eskumena eskatzea proposatu zuten.
Zentzu horretan, bi urteko moratoriak ez direla nahikoak adierazi zuten, “egoera ekonomikoak okerrera” egingo duela iritzita, batetik, eta “kaleratu dituzten edo arriskuan dauden familiei ez dielako irtenbiderik ematen Espainiako Gobernuak”.
Etxebizitza parkearekin bat egin zuen Stop Kaleratzeak-ek, baina, udalarengana zuzendu zen, eta kaleratzeen ondorioz, hutsik geratu diren etxebizitzen errolda egiteko proposatu dio, batik bat babes ofizialeko etxebizitzak kontuan hartuta. Errolda horren bidez, etxea galdu dutenak berriro bueltatu daitezkeela azaldu zuen, baita alokairu sozialaren eskaerari erantzun ere.
Horrez gain, herrian kaleratzeak egin dituzten eta egiten ari diren bankuetatik —egun zortzi kasu daudela esan zuten— funtsak kentzea, udaltzainek etxe kaleratzeetan ez parte hartzea, eta kasuren bat dagoenez, Eusko Jaurlaritzari Ertzaintza ez bidaltzea eskatzea proposatu du taldeak.
Alkateen itunera atxikitzea
Errenteriako Udala tokian tokiko energia iraunkorraren aldeko alkateen itunera atxikitzea ere onartu zuten herenegun zinegotziek. Alkateen itun hori Europako Batasunak sustatu du, eta zehazten dituen hainbat neurrien artean hiru nabarmendu daitezke: CO2 isurketak %20 murriztea, energia eraginkortasuna %20 igotzea, eta energia eskaeraren %20 energia berriztagarrien bidez betetzea.
