Aranzadi landare inbaditzaile bat Jaizkibeldik kentzen saiatuko da
Jaizkibelgo landaredian eragina izan duen Baccharis halimifolia espezie inbaditzailea menditik erradikatzen saiatuko dira. Horretarako egin behar dituzten lanen aurkezpena egin zuten atzo udaletxeko areto nagusian, eta etzi goizean txangoa egingo dute ...
Jaizkibelgo landaredian eragina izan duen Baccharis halimifolia espezie inbaditzailea menditik erradikatzen saiatuko dira. Horretarako egin behar dituzten lanen aurkezpena egin zuten atzo udaletxeko areto nagusian, eta etzi goizean txangoa egingo dute 10:00etan Higerreko farolatik abiatuta, landare horrek eragin dituen kalteak ezagutu eta berau erradikatzeko burutu beharreko ekintzak azaltzeko.
Ion Garin eta Anais Mitxelena Aranzadiko kideek argitu zuten beren asmoa espezie inbaditzailea desagerraraztea eta berezko bi landare habitat berreskuratzea dela Cladium maricus formazioak —eta bertan aurkitzen diren Thelypteris palustris landareak— eta Erica vagans landarearen kostako txilardiak.
Aranzadik zehaztu duenez, Baccharis halimifolia landarea kostako habitaten kalitatea kaltetzen ari da: «Jaizkibelgo flora eta habitaten aberastasuna paregabea da. 2.470 hektareatik %71, 26 formazio natural eta seminaturalez osatuta egonik, horietatik hamabi interes komunitariokoak dira. Habitat horietako bat Cladium mariscus formazioak izena duena da, erkidegoan oso urria eta eremu murritzekoa dena».
Larunbateko txangora joatea libre da, baina izena eman behar da aldez aurretik. Interesa dutenek 943 11 12 42 telefono zenbakira deitu, edo helbidera honetara mezu bat bidali behar dute, biharko 14:00ak baino lehen.

