Zumaiara joan da aurten ‘Luma’ aldizkariak antolatzen duen Euskal Herriko Hitz Gurutzatuen Txapelketa
Xabier Azkue zumaiarrak irabazi du Irungo Luma denbora-pasa astekariak antolatuta Ola sagardotegian egin duten Euskal Herriko Hitz Gurutzatuen 6. Txapelketa. Bera izan da lauko finalean akatsik gabe taula bete duen bakarra. Bigarren Donezteben bizi den Oier Zulaika gasteiztarra izan da (2 akats), hirugarren Javier Altuna getxoztarra (4 akats) eta laugarren Beñat Muguruza irundarra (7 akats). Hirugarrenez parte hartu du Azkue txapeldunak txapelketan eta pozik zegoen txapela jantzita: “Lehenbizikoan ez nuen lortu finalera sailkatzea, iaz finalean izan nintzen eta hirugarren geratu nintzen, eta aurten txapela”. Finalean ez da lehen amaitu duena, baina akatsik egin ez duen bakarra bai. “Besteek bukatu duten arte ez nekien akatsak zituzten edo ez. Ni ataskatuta izan naiz hitz batekin, gaizki neukana, eta hori borratu arte egon naiz ataskatuta. Konturatu naizenean eta borratu dudanean askoz hobeto ibili naiz, baina justu-justu lortu du amaitzea ordubeteko tartean”. 36 jokalarik hartu dute parte Euskal Herriko Hitz Gurutzatuen seigarrek ekitaldian. Horietatik finalerdira hamasei pasatu dira, eta lau onenak lehiatu dira finalean. Altuna bizkaitarrak amaitu du aurrena, 49 minutu eta erdian, ondoren Zulaikak (50:11), hirugarren izan da Azkue (56:30) eta laugarren Muguruza irundarra (ordubete). Baina azkarra izateaz gain antolatzaileek asmatutako definizioak egoki erantzun behar dira eta horretan bakarra izan da zumaiarra. [...]
Azkue, finaleko lana amaitzear zenean
Xabier Azkue zumaiarrak irabazi du Irungo Luma denbora-pasa astekariak antolatuta Ola sagardotegian egin duten Euskal Herriko Hitz Gurutzatuen 6. Txapelketa. Bera izan da lauko finalean akatsik gabe taula bete duen bakarra. Bigarren Donezteben bizi den Oier Zulaika gasteiztarra izan da (2 akats), hirugarren Javier Altuna getxoztarra (4 akats) eta laugarren Beñat Muguruza irundarra (7 akats).
Hirugarrenez parte hartu du Azkue txapeldunak txapelketan eta pozik zegoen txapela jantzita: “Lehenbizikoan ez nuen lortu finalera sailkatzea, iaz finalean izan nintzen eta hirugarren geratu nintzen, eta aurten txapela”. Finalean ez da lehen amaitu duena, baina akatsik egin ez duen bakarra bai. “Besteek bukatu duten arte ez nekien akatsak zituzten edo ez. Ni ataskatuta izan naiz hitz batekin, gaizki neukana, eta hori borratu arte egon naiz ataskatuta. Konturatu naizenean eta borratu dudanean askoz hobeto ibili naiz, baina justu-justu lortu du amaitzea ordubeteko tartean”.
Muguruza irundarra laugarren geratu da
36 jokalarik hartu dute parte Euskal Herriko Hitz Gurutzatuen seigarrek ekitaldian. Horietatik finalerdira hamasei pasatu dira, eta lau onenak lehiatu dira finalean. Altuna bizkaitarrak amaitu du aurrena, 49 minutu eta erdian, ondoren Zulaikak (50:11), hirugarren izan da Azkue (56:30) eta laugarren Muguruza irundarra (ordubete).
Baina azkarra izateaz gain antolatzaileek asmatutako definizioak egoki erantzun behar dira eta horretan bakarra izan da zumaiarra. “Txapelketaren ezaugarri nagusiena zera da, definizioak askotan txisteak direla, hitz-jokoak, bigarren eta batzuetan hirugarren zentzua harrapatu behar diozula. Ohiko definizioak ez dituzte bilatzen, hitz jokoekin eta jokatzen dute asko eta zaila da batzuetan”.
Denbora-pasen zalea da Azkue zumaiarra, eta, Euskal Herriko Hitz Gurutzatuen Txapelketa, lehiaketa baino gehiago, egun pasa dela uste du. Bere ustez, Irungo Luma aldizkariak ekarpen polita egiten dio hizkuntzari: “Ekarpen polita egiten dio, gaztelaniaz edo beste hizkuntzetan badaudelako holako aldizkari asko, baina euskaraz bakarra da Luma. Gainera, txapelketak aukera ematen digu zaleei elkartu eta lehia sanoan aritzeko. Eta azken hori azpimarratu nahiko nuke, hau lehiaketa baino gehiago topaketa bezala ulertzen dudalako nik, eta urtero gai honen inguruan lagun garenak elkartzeko aukera ematen digu”.
