Euskal dantzari onenak bilduko ditu Donibaneko kiroldegiak larunbatean
Bigarren urtez jarraian, Gipuzkoar Aurresku eta Doinu Zahar txapelketak batera jokatuko dituzte, eta aurten ere, Donibaneko kiroldegian izango dira lehiak. Alkarkide dantza taldeak hartu du larunbatean, 19:00etatik aurrera, jokatuko diren txapelketak antolatzeko ardura. Gipuzkoar Aurresku Txapelketaren XXXII. ekitaldia izango da jokatuko dutena, eta bertan sei parte hartzaile izango dira: Beñat Asensio eta Iker Sanz lezoarrak, Xanti Leonet oiartzuarra, Iker Larunbe atarrabiarra, Aitor Asenjo elgoibartarra eta Joseba Erramon sondikarra. Nesken artean (txapelketa jokatzen duten seigarren aldia da), herenegun Antxoko Kultur Etxean erabaki zuten zeintzuk izango diren finalean parte hartuko dutenak. Honakoak dira: Izar Aizpuru, Izar Etxeberria, Udane Eskudero eta Maddi Nazabal oiartzuarrak, Idoia Besada antxotarra, Arantxa Ferreiro elgoibartarra eta Ane Urruzola villabonatarra. Nagore Indakoetxea errenteriarrak iazko zapia lortu zuen, eta horregatik ez du kanporaketarik jokatu behar izan. Kanporaketan parte hartu zutenek Upelategi eta Hondarribia Handia dantzak oholtzaratu behar izan zituzten, konposizio librean. Horregatik, epaimahaikideek, dantza egiteko modua epaitzeaz gain, konposizioa bera ere kontuan hartu zuten Antxon. Irizpide bera erabiliko dute larunbat honetan. Izan ere, bi dantza horiez gain, Hormatxulo eta Kontrapasa dantzatuko dituzte neskek. Azken hori da pausoak markatuta dituen bakarra. Gizonek ere lau dantza egin beharko dituzte: Hormatxulo, Kontrapasa, Aurrez aurre eta Zortzikoa. Azken hori bakarrik da librea. Lehiaketa bakoitzaren [...]
Bigarren urtez jarraian, Gipuzkoar Aurresku eta Doinu Zahar txapelketak batera jokatuko dituzte, eta aurten ere, Donibaneko kiroldegian izango dira lehiak. Alkarkide dantza taldeak hartu du larunbatean, 19:00etatik aurrera, jokatuko diren txapelketak antolatzeko ardura.
Gipuzkoar Aurresku Txapelketaren XXXII. ekitaldia izango da jokatuko dutena, eta bertan sei parte hartzaile izango dira: Beñat Asensio eta Iker Sanz lezoarrak, Xanti Leonet oiartzuarra, Iker Larunbe atarrabiarra, Aitor Asenjo elgoibartarra eta Joseba Erramon sondikarra. Nesken artean (txapelketa jokatzen duten seigarren aldia da), herenegun Antxoko Kultur Etxean erabaki zuten zeintzuk izango diren finalean parte hartuko dutenak. Honakoak dira: Izar Aizpuru, Izar Etxeberria, Udane Eskudero eta Maddi Nazabal oiartzuarrak, Idoia Besada antxotarra, Arantxa Ferreiro elgoibartarra eta Ane Urruzola villabonatarra. Nagore Indakoetxea errenteriarrak iazko zapia lortu zuen, eta horregatik ez du kanporaketarik jokatu behar izan.
Kanporaketan parte hartu zutenek Upelategi eta Hondarribia Handia dantzak oholtzaratu behar izan zituzten, konposizio librean. Horregatik, epaimahaikideek, dantza egiteko modua epaitzeaz gain, konposizioa bera ere kontuan hartu zuten Antxon.
Irizpide bera erabiliko dute larunbat honetan. Izan ere, bi dantza horiez gain, Hormatxulo eta Kontrapasa dantzatuko dituzte neskek. Azken hori da pausoak markatuta dituen bakarra.
Gizonek ere lau dantza egin beharko dituzte: Hormatxulo, Kontrapasa, Aurrez aurre eta Zortzikoa. Azken hori bakarrik da librea.
Lehiaketa bakoitzaren irabazleak Tomas Muruak egindako garaikur bana, Kutxako garaikurra, Euskal Dantzarien Batzarrarena, eta 400 euroko diru saria lortuko ditu. Gainera, mutilek txapela eta gerrikoa jasoko dute, eta neskek zapia.

