Eskalatzaile onenak, etxekoak
Oiartzungo Iratz Inziarte eta Hondarribiko Mikel Larrañaga eta izan dira txapeldunak Oiartzunen Oiartzungo XII. Herri Eskalada Txapelketa jokatu zuten larunbatean, Elorsoro kiroldegian. 92 parte hartzaile izan ziren, eta kategoria nagusietan, Oarsoaldea eta Bidasoa eskualdeetakoak izan ziren onenak: Hondarribiako Lander Larrañaga eta Oiartzungo Iratz Inziarte. 92 parte hartzaileak Euskal Herriko hainbat txokotatik iritsi ziren larunbat goizean herrira. Finalerdiak jokatu zituzten eguerdira arte. Parte hartzaile bakoitzak, bi bide aukeratu behar izan zituen honakoetatik, hainbat mailakoak: IV, V+, V, 6a, 6b, 6c+ eta 7a. Herri txapelketa izanik, denetarikoak ziren bide horiek, antolatzaileen arabera: «Maila guztietako partaideak edukitzeko ahaleginak egin ditugu, eskalabide oso errazetatik hasi eta zailenetara arte». Hala ere, nabarmendu dute eskaltzaileek oso maila altua zutela. Horregatik, sailkapenetan maila altua izan bazen, finalak are ikusgarriagoak izan ziren, antolatzaileek zehaztu dutenez. Hala, finalista guztiek jaso zuten saria. Lehen oiartzuarra, Inziarte Ohiko sariez gain, lehenengo oiartzuarrari ere ematen diote garaikurra antolatzaileek urtero. Aurten ere, Iratz Inziartek eskuratu zuen. Gainera, bere kategorian ere lehen postua eskuratu zuen. Gainontzeko sailkapen behean ikus daitezke. Ikusleak ere asko izan ziren kiroldegiko harmailetan, antolatzaileek jakinarazi dutenez. Antolatzaileek txapelketaren gainean egindako balorazioa, positiboa da: «Aurtengo txapelketa arrakastatsua dela esan genezake». Horrez gain, eskerrak eman dizkiete txapelketa posible egin duten guztiei: «Hau [...]
Oiartzungo Iratz Inziarte eta Hondarribiko Mikel Larrañaga eta izan dira txapeldunak Oiartzunen
Eskalada txapelketan saria lortu duten eskalatzaileak, Irati Etxebeste zinegotziarekin
Oiartzungo XII. Herri Eskalada Txapelketa jokatu zuten larunbatean, Elorsoro kiroldegian. 92 parte hartzaile izan ziren, eta kategoria nagusietan, Oarsoaldea eta Bidasoa eskualdeetakoak izan ziren onenak: Hondarribiako Lander Larrañaga eta Oiartzungo Iratz Inziarte.
92 parte hartzaileak Euskal Herriko hainbat txokotatik iritsi ziren larunbat goizean herrira. Finalerdiak jokatu zituzten eguerdira arte. Parte hartzaile bakoitzak, bi bide aukeratu behar izan zituen honakoetatik, hainbat mailakoak: IV, V+, V, 6a, 6b, 6c+ eta 7a.
Herri txapelketa izanik, denetarikoak ziren bide horiek, antolatzaileen arabera: «Maila guztietako partaideak edukitzeko ahaleginak egin ditugu, eskalabide oso errazetatik hasi eta zailenetara arte». Hala ere, nabarmendu dute eskaltzaileek oso maila altua zutela.
Horregatik, sailkapenetan maila altua izan bazen, finalak are ikusgarriagoak izan ziren, antolatzaileek zehaztu dutenez. Hala, finalista guztiek jaso zuten saria.
Lehen oiartzuarra, Inziarte
Ohiko sariez gain, lehenengo oiartzuarrari ere ematen diote garaikurra antolatzaileek urtero. Aurten ere, Iratz Inziartek eskuratu zuen. Gainera, bere kategorian ere lehen postua eskuratu zuen. Gainontzeko sailkapen behean ikus daitezke.
Ikusleak ere asko izan ziren kiroldegiko harmailetan, antolatzaileek jakinarazi dutenez. Antolatzaileek txapelketaren gainean egindako balorazioa, positiboa da: «Aurtengo txapelketa arrakastatsua dela esan genezake».
Horrez gain, eskerrak eman dizkiete txapelketa posible egin duten guztiei: «Hau guztia zuek emandako laguntzari esker lortu dugu. Gure ekimen hau zabaldu duzuelako etorri dira parte hartzaileak Euskal Herriko txoko guztietatik. Beraz, bene-benetan, mila esker». Dagoeneko datorren txapelketari begira jarri dira.
Sailkapenak
Mutilak, helduak
- Lander Larrañaga (Hondarribia).
- Mikel Velasco (Arrasate).
- Iñaki Arantzamendi (Ondarru).
Mutilak, gazteak
- Bittor Esparta (Bilbo).
- Paul Gabilondo (Donostia).
- Gabriel Caballero (Donostia).
Neskak, helduak
- Iratz Inziarte (Oiartzun).
- Zuriñe Arrue (Donostia).
- Joana Telletxea (Errenteria-Orereta).
Neskak, gazteak
- Miriam Mulas (Arrasate).
- Jone Ugartemendia (Zumaia).
