Denak elkarrekin emakumeen aurkako indarkeriaren aurka
Emakumeen Aurkako Indarkeriaren Kontrako Nazioarteko Eguna aldarrikatzeko helburuarekin, hainbat ekitaldi antolatu dituzte Irungo kolektiboek eta udalak. Iragan ostiralean ere, Txingudi Antisexista (TAS) plataformak prentsaurrekoa eman zuen azaroaren 25aren mobilizazioen berri emateko. Tokiko gobernuko Gizarte Ongizate Arlotik gogora ekarri nahi izan dutenez, “2002tik 2011ra bitarte, 29 emakume hil zituzten Euskal Autonomi Erkidegoan genero indarkeriarengatik. Irunen inork ez ditu ahazten Nagore Laffageren eta Jasmin Rodriguezen heriotzak”. 2011. urtean Irungo Genero Indarkeriari buruzko Auzitegian –Irungo eta Hondarribiko kasuak biltzen dira bertan– 208 salaketa jarri eta 75 babes agindu eman zirela ohartarazi du udalak. Gizarte Ongizate, Hezkuntza eta Gazteria Arloak 83 emakumeri arreta eskaini zien genero indarkeria medio. Egitaraua: Azaroak 19, astelehena Genero indarkeriaren prebentzioa nerabe eta gazte bikoteengan dokumentuaren aurkezpena udalaren eskutik. Udalaren Emakumea eta Berdintasuna Batzordearen weborrian eskura daiteke. Azaroak 21, asteazkena Emakumeen aurkako indarkeria: eta nik zer egin dezaket? hitzaldia Yolanda Cervero hizlariaren eskutik. Argoiak elkarteak antolatu du solasaldia elkartearen egoitzan bertan –Bertsolari Uztapide kalea, 6–, 17:00etan. Genero indarkeriaren aurkako dantza eta musika ekitaldia, Amaia KZn, 19:00etan. Azaroak 22, osteguna Mariposas en el hierro –Tximeletak burdinean– dokumentala Oiasso Erromatarren Museoan, Gaurko Andreak elkarteak eta Gipuzkoako Foru Aldundiak antolatuta. Ikus-entzunezkoaren ondoren, Izaskun Moyuarekin eta Arantza Madiaragarekin solasaldia izango [...]
Emakumeen Aurkako Indarkeriaren Kontrako Nazioarteko Egunaren aurkezpena
Emakumeen Aurkako Indarkeriaren Kontrako Nazioarteko Eguna aldarrikatzeko helburuarekin, hainbat ekitaldi antolatu dituzte Irungo kolektiboek eta udalak. Iragan ostiralean ere, Txingudi Antisexista (TAS) plataformak prentsaurrekoa eman zuen azaroaren 25aren mobilizazioen berri emateko.
Tokiko gobernuko Gizarte Ongizate Arlotik gogora ekarri nahi izan dutenez, “2002tik 2011ra bitarte, 29 emakume hil zituzten Euskal Autonomi Erkidegoan genero indarkeriarengatik. Irunen inork ez ditu ahazten Nagore Laffageren eta Jasmin Rodriguezen heriotzak”.
2011. urtean Irungo Genero Indarkeriari buruzko Auzitegian –Irungo eta Hondarribiko kasuak biltzen dira bertan– 208 salaketa jarri eta 75 babes agindu eman zirela ohartarazi du udalak. Gizarte Ongizate, Hezkuntza eta Gazteria Arloak 83 emakumeri arreta eskaini zien genero indarkeria medio.
Egitaraua:
Azaroak 19, astelehena
- Genero indarkeriaren prebentzioa nerabe eta gazte bikoteengan dokumentuaren aurkezpena udalaren eskutik. Udalaren Emakumea eta Berdintasuna Batzordearen weborrian eskura daiteke.
Azaroak 21, asteazkena
- Emakumeen aurkako indarkeria: eta nik zer egin dezaket? hitzaldia Yolanda Cervero hizlariaren eskutik. Argoiak elkarteak antolatu du solasaldia elkartearen egoitzan bertan –Bertsolari Uztapide kalea, 6–, 17:00etan.
- Genero indarkeriaren aurkako dantza eta musika ekitaldia, Amaia KZn, 19:00etan.
Azaroak 22, osteguna
- Mariposas en el hierro –Tximeletak burdinean– dokumentala Oiasso Erromatarren Museoan, Gaurko Andreak elkarteak eta Gipuzkoako Foru Aldundiak antolatuta. Ikus-entzunezkoaren ondoren, Izaskun Moyuarekin eta Arantza Madiaragarekin solasaldia izango da. Emanaldiak: 10:30ean, 18:00etan eta 20:00etan.
Azaroak 23, ostirala
- Emakumeen aurkako indarkeriaren kontrako elkarretaratzea, Zabaltza plazan 19:00etan, Irungo Udaleko Berdintasun Batzordeak antolatuta.
Azaroak 25, igandea
- Martxa Irungo San Juan Harria plazatik Hondarribiko San Pedro kaleraino, eguerdiko 12:00etan abiatuta. TASek antolatutako deialdia.
Azaroak 26, astelehena
- Espido Freire idazlearen La flor del norte –Iparreko lorea– liburuaren inguruko kafe solasaldia, Uxoa elkartearen egoitzan –Gipuzkoa hiribidea, 12–, 17:00etan.
Azaroak 27, asteartea
- Genero indarkeriaren aurkako borrokaren itzalargiak topaketa, Iraso Gizarte Zentroan –Ospitale Zaharra–, 18:00etan. Teresa Lanza eta Norma Vazquez emakumeen kontrako indarkerian adituak izango dira hizlariak.
Azaroak 29, osteguna
- Princesas –Printzesak– filmaren emanaldia eta solasaldia Gaurko Andreak elkartearen egoitzan –Kale Nagusia, 12. Nabartenea eraikina–, 19:30etik aurrera. Gaurko Andreak elkarteak eta Gipuzkoako Foru Aldundiak antolatutako ekitaldia.
