Sorturen eratze prozesuaren lehen batzarra hilaren 24an egingo dute
Oreretako Sortuk eratze prozesuaren lehenengo batzarra egingo du hilaren 24an, Merkatuzarren. Batzarra 09:30ean hasiko da. Pasa den ekainaren 20an legeztatu zuten ezker independentistaren alderdi berria, eta orain eratze prozesuari ekin dio. Horrela, herri mailako lehenengo batzar horretan alderdiaren oinarri ideologikoak eztabaidatuko dituzte. Oreretako Sortuk jakinarazi duenez, udaberrian ekarpen batzuk egiten hasi ziren, eta kontraste lana egin ondoren, horiek aztertuko dituzte Merkatuzarrera hurbiltzen direnek. Ildo politikoa, bigarren batzarrean Oinarri ideologikoen ponentzia eztabaidatu ondoren, abenduaren 15ean ildo politikoarena jorratuko dute, ordu eta toki berean. Barne antolamenduaren eta funtzionamenduaren zein komunikazioaren gainekoak izango dira eratze prozesuaren gainontzeko bi urratsak. Otsailaren 9an egingo dituzte arduradunak aukeratzeko barne hauteskundeak, bertaratuek proposatuko hautagaiekin (abenduaren 3an bukatuko da proposatzeko epea). Herri mailakoak, herrialdekoak eta nazionalak izango dira horiek. Bi aste beranduago nazio mailako Eratze Kongresua izango da. Aliantzak eta aldebakarrekotasuna, “hala behar izanez gero” Adierazi dutenez, orain arteko aliantza estrategikoarekin jarraituko, eta beraz, Sortu ez da hauteskundeetara aurkeztuko. Euren esanetan, Euskal Herriak “bere geroa erabakitzen jarraitu” behar du, eta horretarako Espainiako zein Frantziako estatuekin akordioak egitera iritsi behar direla uste dute. “Hori ezinezkoa balitz”, jarraitu dute, “aldebakartasunaren bidetik” joko lukete. Bestalde, masa borroka izango da Sorturen beste zutabeetako bat. Horrela, gizarteko zein sindikatu eragileekin harremanetan [...]
Oreretako Sortuk eratze prozesuaren lehenengo batzarra egingo du hilaren 24an, Merkatuzarren. Batzarra 09:30ean hasiko da.
Pasa den ekainaren 20an legeztatu zuten ezker independentistaren alderdi berria, eta orain eratze prozesuari ekin dio. Horrela, herri mailako lehenengo batzar horretan alderdiaren oinarri ideologikoak eztabaidatuko dituzte. Oreretako Sortuk jakinarazi duenez, udaberrian ekarpen batzuk egiten hasi ziren, eta kontraste lana egin ondoren, horiek aztertuko dituzte Merkatuzarrera hurbiltzen direnek.
Ildo politikoa, bigarren batzarrean
Oinarri ideologikoen ponentzia eztabaidatu ondoren, abenduaren 15ean ildo politikoarena jorratuko dute, ordu eta toki berean. Barne antolamenduaren eta funtzionamenduaren zein komunikazioaren gainekoak izango dira eratze prozesuaren gainontzeko bi urratsak. Otsailaren 9an egingo dituzte arduradunak aukeratzeko barne hauteskundeak, bertaratuek proposatuko hautagaiekin (abenduaren 3an bukatuko da proposatzeko epea). Herri mailakoak, herrialdekoak eta nazionalak izango dira horiek. Bi aste beranduago nazio mailako Eratze Kongresua izango da.
Aliantzak eta aldebakarrekotasuna, “hala behar izanez gero”
Adierazi dutenez, orain arteko aliantza estrategikoarekin jarraituko, eta beraz, Sortu ez da hauteskundeetara aurkeztuko. Euren esanetan, Euskal Herriak “bere geroa erabakitzen jarraitu” behar du, eta horretarako Espainiako zein Frantziako estatuekin akordioak egitera iritsi behar direla uste dute. “Hori ezinezkoa balitz”, jarraitu dute, “aldebakartasunaren bidetik” joko lukete.
Bestalde, masa borroka izango da Sorturen beste zutabeetako bat. Horrela, gizarteko zein sindikatu eragileekin harremanetan egon nahi dute, eta desobedientzia zibila landuko dute. Borroka mota hori “demokrazian sakontzeko tresna gisa” ulertzen dute, “jarduera politiko, publiko, kontziente eta indarkeriarik gabekotzat”.
Horrez gain, abenduaren 13an, ildo politikoa aztertu baino bi egun lehenago, Karmelo Landa Herri Batasunarekin eurodiputatu izan zenak hitzaldia emango du Reina aretoan. Naroa Iturri kazetaria ere bertan izango da.
Oreretako ezkertiar eta independentista guztiak gonbidatu dituzte bai eratze prozesuan parte hartzera, baita hitzaldi horretara ere. Horietako batzuek atzo argazkia atera zuten Xenpelar Etxean, Sorturen eratze prozesuaren aurkezpena egiteko.

