Etxetik kanpo izandako lehia galdu du Unionek Sestao Riverren kontra
Real Union futbol taldea Sestao River taldearen aurka lehiatu zen larunbatean, etxetik kanpoko partidan. Markagailua estreinatu zuten arren, txuri-beltzek 2-1 galdu zuten, azkenean. Gainera, partidaren bukaeran sartu zituzten bizkaitarrek bi golak. Las...
Real Union futbol taldea Sestao River taldearen aurka lehiatu zen larunbatean, etxetik kanpoko partidan. Markagailua estreinatu zuten arren, txuri-beltzek 2-1 galdu zuten, azkenean. Gainera, partidaren bukaeran sartu zituzten bizkaitarrek bi golak.
Lasaitasunez eta ezustekorik gabe iragan zen lehenengo zatia. Ez zen joko handirik izan, hortaz, gol aukerak ere eskasak izan ziren.
Aldagelatik itzultzean, ordea, hasi zen markagailua goranzko joera hartzen. Hala, ondo hasi ziren irundarrak, eta Juan Dominguez jokalari txuri-beltzaren golari esker, markagailua ireki zuten bisitariek lehiaren 77. minutuan.
Partida bukatzeko asko falta ez zen arren, Sestaoko jokalariek partida irauli zuten. Orbegozok bertakoen markagailua ireki zuen partidaren 81. minutuan. Handik gutxira, 86. minutuan zehazki, norgehiagoka erabakiko zuen gola lortu zuen Silasek.
Datorren asteburuari begira
Asteburuko porrotaren ondoren, datorren larunbatean etxean jokatuko duten partidari begira daude dagoeneko irundarrak. SD Amorebieta taldearen kontra lehiatuko dira txuri-beltzak, 18:00etatik aurrera.
Sailkapen nagusiko bederatzigarren postuan dago orain Union, hamasei punturekin.
