Lekuonaren omenez, kultur ekitaldia, Euskaltzaindiaren batzarra, eta bertso saioa
Uztailaren 30ean 25 urte bete ziren On Manuel Lekuona hil zela; udaletxean egingo dituzte ekitaldiak Uztailaren 30ean, 25 urte bete ziren On Manuel Lekuona euskaltzain, antropologo eta hizkuntzalaria hil zela. Horren harira, udalak «merezitako omenaldia» eskainiko dio. Hala, hiru ekitaldi antolatu ditu aste honetarako, Euskaltzaindiarekin eta Euskal Herriko Bertsozale Elkartearekin elkarlanean: kultur ekitaldia, Euskaltzaindiaren batzarra eta bertso saioa. Kultur ekitaldia gaur izango da, 19:00etan, udaletxeko areto nagusian. Bertan parte hartuko dute udal ordezkariek, Lekuona zenaren senideek, Euskaltzaindiak eta Euskal Herriko Bertsozale Elkarteko ordezkariek. Izan ere, bi erakunde horiekin harreman estua izan zuen On Manuel Lekuonak bizi zen artean. Horren harira, gaur, Euskaltzaindiak Zuzendaritza Batzarra egingo du Oiartzunen. Izan ere, Lekuona bera euskaltzaina eta Euskaltzainburua izan zen (1967tik 1970era). Etzi —ostiralean—, berriz, bertso saioa izango da Lekuonaren omenez. Jon Martin, Jokin Uranga, Igor Elortza eta Jon Maia ariko dira kantuan, eta Ander Lizarraldek jarriko ditu gaiak. 22:00etan izango da saioa, hori ere udaletxeko areto nagusian. Saioaren helburua, Lekuona izan zenaren figura gazteengana hurbiltzea da. Bizitza osoa euskal kulturaren aldeko lanean eman zuen On Manuel Lekuonak. Hainbat arlo jorratu zituen. Udalak 1988an izendatu zuen herriko seme kuttun eta aurretik aldundiak, 1983an. Egitaraua Gaur 19:00etan, kultur ekitaldia. Udal ordezkariekin, Lekuonaren senideekin, Euskaltzaindiarekin eta [...]
Uztailaren 30ean 25 urte bete ziren On Manuel Lekuona hil zela; udaletxean egingo dituzte ekitaldiak
Omenaldiaren aurkezpena
Uztailaren 30ean, 25 urte bete ziren On Manuel Lekuona euskaltzain, antropologo eta hizkuntzalaria hil zela. Horren harira, udalak «merezitako omenaldia» eskainiko dio. Hala, hiru ekitaldi antolatu ditu aste honetarako, Euskaltzaindiarekin eta Euskal Herriko Bertsozale Elkartearekin elkarlanean: kultur ekitaldia, Euskaltzaindiaren batzarra eta bertso saioa.
Kultur ekitaldia gaur izango da, 19:00etan, udaletxeko areto nagusian. Bertan parte hartuko dute udal ordezkariek, Lekuona zenaren senideek, Euskaltzaindiak eta Euskal Herriko Bertsozale Elkarteko ordezkariek. Izan ere, bi erakunde horiekin harreman estua izan zuen On Manuel Lekuonak bizi zen artean.
Horren harira, gaur, Euskaltzaindiak Zuzendaritza Batzarra egingo du Oiartzunen. Izan ere, Lekuona bera euskaltzaina eta Euskaltzainburua izan zen (1967tik 1970era).
Etzi —ostiralean—, berriz, bertso saioa izango da Lekuonaren omenez. Jon Martin, Jokin Uranga, Igor Elortza eta Jon Maia ariko dira kantuan, eta Ander Lizarraldek jarriko ditu gaiak. 22:00etan izango da saioa, hori ere udaletxeko areto nagusian. Saioaren helburua, Lekuona izan zenaren figura gazteengana hurbiltzea da.
Bizitza osoa euskal kulturaren aldeko lanean eman zuen On Manuel Lekuonak. Hainbat arlo jorratu zituen. Udalak 1988an izendatu zuen herriko seme kuttun eta aurretik aldundiak, 1983an.
Egitaraua
Gaur
- 19:00etan, kultur ekitaldia. Udal ordezkariekin, Lekuonaren senideekin, Euskaltzaindiarekin eta Euskal Herriko Bertsozale Elkarteko kideekin.
- Euskaltzaindiaren batzarra. Zuzendaritza Batzarra herrian.
Etzi
- 22:00etan, bertso saioa. Jon Martin, Jokin Uranga, Igor Elortza eta Jon Maia.
