Unionek garaipena lortu du Logroñesen aurka
Real Unionek 3-1 emaitzarekin gainditu zuen herenegun Logroñes taldea. Atsedena iristerakoan etxekoak 0-1 galtzen ari ziren arren, bigarren zatiko aukerak baliatzen jakin zuten txuri-beltzek. Imanol Idiakez entrenatzailearen hitzetan, “partida k...
Real Unionek 3-1 emaitzarekin gainditu zuen herenegun Logroñes taldea. Atsedena iristerakoan etxekoak 0-1 galtzen ari ziren arren, bigarren zatiko aukerak baliatzen jakin zuten txuri-beltzek. Imanol Idiakez entrenatzailearen hitzetan, “partida kontrolpean zegoen”. 3-1 irabazi zuten irundarrek, azkenean.
Errioxako taldeak 34. minutuan lortu zuen markagailua estreinatzea. Iturralderen burukada zuzenean joan zen txuri-beltzen ate barrura. Hala, jokalariak aldagelara joan zirenean 0-1ekoa adierazten zuen Gal Stadiumeko markagailuak.
Aldagelatik itzultzean, beste aurpegi bat erakutsi zuen Unionek. Hala, Colinasek sartu zuen lehen gola 47. minutuan. Haren ondotik, 57. minutuan, Chupek bigarren gola sartzea lortu zuen, eta bukatzeko, Lambarrirena iritsi zen, 77. minutuan.
Imanol Idiakez entrenatzaileak “asebeteta” zegoela adierazi zuen partidaren ondorengo prentsaurrekoan. “Partida erortzeko arriskua egon da atsedenaren aurretik, aurrerapauso bat ematea izan da, aldiz, jokalarien erantzuna”, azaldu zuen.
