Lau ordenantza behin betiko onartu dituztela jakinarazi du udalak
Jendaurrean legezko epea pasatu ondoren, lau ordenantza behin betiko onartuta geratu direla jakinarazi du Lezoko Udalak. Hauek dira ordenantza horiek: Uraren kudeaketa arautzen duena. Salmenta ibiltariarena edo azoka txikia arautzekoa. Gazte lokalak a...
Jendaurrean legezko epea pasatu ondoren, lau ordenantza behin betiko onartuta geratu direla jakinarazi du Lezoko Udalak. Hauek dira ordenantza horiek:
- Uraren kudeaketa arautzen duena.
- Salmenta ibiltariarena edo azoka txikia arautzekoa.
- Gazte lokalak arautzekoa.
- Bide publikoan edo erabilera publikoko eremuetan terrazak eta mahai multzoak jartzea arautzen duena.
Onartutako lau ordenantzek “aldaketa txiki batzuk” baino ez dituzte jasan jendaurrean egon direnean, udalak azaldu duenez: “Formari dagozkion aldaketak minimoak izan dira, irakurketa eta ulermena errazteko aldaketak”.
Udalak gogorarazi du, bestalde, bosgarren ordenantza bat oraindik onartu gabe dagoela: hilerriaren erregimen eta funtzionamendua arautzekoa. “Ordenantza hori oraindik osatzear dago eta hori dela eta, oraindik ez da onartua izan”, azaldu du.
