Astelehenean zabalduko ditu ateak berriz ere ludotekak, 34 haurrekin
Apirilera arte egunero eskainiko du zerbitzua ludotekak 16:30etik 19:30era; oraindik izena eman daiteke Ludotekak datorren astelehenean, hilak 5, zabalduko ditu ateak berriz ere. Atzo amaitzekoa zen berez izena emateko epea, baina oraindik ere interesdunek izena eman dezaketela azaldu du Xanti Val Kultura teknikariak. «Gehienez 45 erabiltzaile izan daitezke, aretoaren segurtasun neurriek kopuru hori markatzen dutelako», azaldu du Valek. Une honetan 34 haurrek eman dutela izena gaineratu du: «37 haur izango zirela zehaztu ziguten erabiltzaileek, baino azkenean 34 etorri dira eta kopuru hori balekoa da». Horrenbestez, oraindik ere izena eman daitekeela azaldu du, «epea programazioak prestatze aldera eta beharko genuen begirale kopurua zehazte aldera markatu genuen gehienbat. Beraz, haurren bat astelehenean ludotekan azaltzen bada, izena eman nahi duelako, ez du arazorik izango». Dagoeneko landu beharrekoen programa esku artean dutela zehaztu du kultura teknikariak, «epeekin justu samar ibili bagara ere, ludotekarekin aurrera egitea azken unean erabaki delako, lantaldea prest dago astelehenean ekiteko». Gurasoek kudeatzea helburu Udalak zerbitzua bertan behera uztea erabaki zuen, egoera ekonomikoa dela eta, baina erabiltzaileen gurasoekin bilera sorta eginda, ikasturte honetan zerbitzuarekin jarraitzea adostu zuten. Akordioaren arabera, gurasoek 50 euro ordainduko dituzte, eta udalak berriz 11.000 euroko diru zatia jarriko du. Ikasturte honetan, bestalde, apirilera arte eskainiko du zerbitzua [...]
Apirilera arte egunero eskainiko du zerbitzua ludotekak 16:30etik 19:30era; oraindik izena eman daiteke
Ludotekak datorren astelehenean, hilak 5, zabalduko ditu ateak berriz ere. Atzo amaitzekoa zen berez izena emateko epea, baina oraindik ere interesdunek izena eman dezaketela azaldu du Xanti Val Kultura teknikariak. «Gehienez 45 erabiltzaile izan daitezke, aretoaren segurtasun neurriek kopuru hori markatzen dutelako», azaldu du Valek. Une honetan 34 haurrek eman dutela izena gaineratu du: «37 haur izango zirela zehaztu ziguten erabiltzaileek, baino azkenean 34 etorri dira eta kopuru hori balekoa da».
Horrenbestez, oraindik ere izena eman daitekeela azaldu du, «epea programazioak prestatze aldera eta beharko genuen begirale kopurua zehazte aldera markatu genuen gehienbat. Beraz, haurren bat astelehenean ludotekan azaltzen bada, izena eman nahi duelako, ez du arazorik izango».
Dagoeneko landu beharrekoen programa esku artean dutela zehaztu du kultura teknikariak, «epeekin justu samar ibili bagara ere, ludotekarekin aurrera egitea azken unean erabaki delako, lantaldea prest dago astelehenean ekiteko».
Gurasoek kudeatzea helburu
Udalak zerbitzua bertan behera uztea erabaki zuen, egoera ekonomikoa dela eta, baina erabiltzaileen gurasoekin bilera sorta eginda, ikasturte honetan zerbitzuarekin jarraitzea adostu zuten.
Akordioaren arabera, gurasoek 50 euro ordainduko dituzte, eta udalak berriz 11.000 euroko diru zatia jarriko du. Ikasturte honetan, bestalde, apirilera arte eskainiko du zerbitzua ludotekak eta hurrengo ikasturteari begira, funtzionamendua aldatu eta gurasoak ludotekaren kudeaketaz arduratuko dira.
