Oarsoaldeko kiroldegietako abonatuek, bost igerileku erabiltzeko aukera izango dute
Oarsoaldeko kiroldegietako abonatuek, bost igerileku erabiltzeko aukera izango dute
Amaia de Esnarriaga, Luis Garrido eta Unai Unsuain
Errenteria-Orereta, Oiartzun, Lezo eta Pasaiako kiroldegietako abonatuek, eskualdeko bost igerilekuak erabiltzeko aukera izango dute urriaren batetik datorren urteko maiatzaren 31 bitartean. Akordioaren berri emateko, agerraldia egin dute gaur Luis Garrido Lezoko Udaleko kiroletako zinegotziak, Unai Unsuain Errenteriako gazteria eta kiroletako zinegotziak, eta Amaia de Esnarriaga Pasaiako gazteria eta kiroletako zinegotziak.
Hitzarmenaren arabera, Errenteria, Oiartzun eta Lezoko kirol patronatuetako, eta Trintxerpeko kirolguneo zein Donibaneko kiroldegiko abonatuek, Errenteriako galtzaraborda eta Fanderiako igerilekuak, Oiartzungo Elorsorokoa, eta Lezoko Altzatekoa erabiltzerik izango dute ordaindu gabe. Igerilekuak ez diren bestelako instalazioak, ikastaro edo jarduerak baliatzerik ez dute izango.
Esperientzia pilotoa aurretik
Martxoa eta ekaina bitartean, oarsoaldeako igerilekuak partekatzeko esperientzia pilotua abiatu zuten eskualdeko lau udalek. Orduan egindakoaren gaineko balorazio positiboa egin du Garridok: “Udalak, erabiltzaileak eta igerilekuetako langileak ere pozik gelditu ziren eta ez en arazorik suertatu”. Emandako datuen arabera, esperientzia pilotoa martxan izan zen bitartean, 135 lagunek erabili zuten bere herritik kanpoko igerilekuren bat. Herrika begiratuta berriz, Lezok jaso zituen kanpoko erabiltzaile gehien, 75 guztira; Oiartzunek, 22; eta Errenteria-Oreretak, 38.
