Lezoko musika eskolak lau ikastaro prest ditu
Tomas Garbizu Lezoko Udal Musika Eskolak lau ikastaro berri antolatu ditu. Txalaparta, panderoa, dultzaina eta alboka ikastaroak izango dira, hain zuzen ere, eta datorren hilabetean hasi eta abendura arte emango dituzte. Izena emateko epea zabalik dela...
Tomas Garbizu Lezoko Udal Musika Eskolak lau ikastaro berri antolatu ditu. Txalaparta, panderoa, dultzaina eta alboka ikastaroak izango dira, hain zuzen ere, eta datorren hilabetean hasi eta abendura arte emango dituzte. Izena emateko epea zabalik dela jakinarazi dute arduradunek, eta interesdunek, urriaren 5a arte izango dute izena emateko aukera, musika eskolan bertan.
Informazioa eskatu
Lau ikastaro horien gaineko informazio gehiago jasotzeko, berriz, 943 52 99 99 telefono zenbakira deitu edo musika eskolatik pasatu daitezke interesdunak, arratsaldez, 16:30etik 20:00etara.
