Jarraipen zabala eduki du grebak industrian eta hezkuntzan
Euskal Herriko sindikatuek deitutako greba egunarekin bat egin dute herritarrek Irunen. Hala, goizeko lehen ordutako pikete informatiboez gain, manifestazioa deitu zuen Bilduk 10:00etan, Mendibil merkatalgunetik. Hala, Joakin Gamon kalea, Luis Marianoren atzealdea eta Colon ibilbidea zeharkatu ondoren, San Migelen hartu du bueltako bidea manifestazioak. Aduana kalea igaro eta Gipuzkoa hiribidearen azken zatia egin eta gero, Zabaltza plazan irakurri dute komunikatua ordezkariek. EH Bilduko Jokin Melida kideak goizeko manifestazioaren ondotik adierazi duenez, “industria eta hezkuntza mailan jarraipen zabala izaten ari da. Komertzioetan ere, dena nahiko itxita ikusi dugu eta beraz, oso pozik gaude”. Hala, Aduana kale osoa bete dute goizeko manifestariek. Melidak adierazi duenez, kopuruak emateko goiz den arren, “jende andana bildu da, beti bezala eta aurrekoan bezala”. Horiek horrela, Melidaren arabera, “murrizketa hauen aurrean, eskubide sozialen murrizketa handi eta tamalgarri hauen aurrean, gu mezu positibo batekin etorri gara: irtenbidea badago”. Era berean, “26an mezu hori izango da gure leloa: irtenbidea badago, baina irtenbide hori guk egin beharko dugu eta estatu espainol eta frantseserik gabe”, gaineratu du. Laburbilduz, balorazio “oso positiboa” egin dutela adierazi du zinegotziak, eta “egia da jendea oso nazkatuta dagoela. Jendearentzat lan egun oso bat galtzea oso gogorra da eta halere, jendeak erantzun du”. Jarraipena goizean-goizetik Goizeko lehen [...]
Hamaika lagun bildu ditu goizeko manifestazioak
Euskal Herriko sindikatuek deitutako greba egunarekin bat egin dute herritarrek Irunen. Hala, goizeko lehen ordutako pikete informatiboez gain, manifestazioa deitu zuen Bilduk 10:00etan, Mendibil merkatalgunetik. Hala, Joakin Gamon kalea, Luis Marianoren atzealdea eta Colon ibilbidea zeharkatu ondoren, San Migelen hartu du bueltako bidea manifestazioak. Aduana kalea igaro eta Gipuzkoa hiribidearen azken zatia egin eta gero, Zabaltza plazan irakurri dute komunikatua ordezkariek.
EH Bilduko Jokin Melida kideak goizeko manifestazioaren ondotik adierazi duenez, “industria eta hezkuntza mailan jarraipen zabala izaten ari da. Komertzioetan ere, dena nahiko itxita ikusi dugu eta beraz, oso pozik gaude”.
Hala, Aduana kale osoa bete dute goizeko manifestariek. Melidak adierazi duenez, kopuruak emateko goiz den arren, “jende andana bildu da, beti bezala eta aurrekoan bezala”.
Pankartaz beteta esnatu da Irun
Horiek horrela, Melidaren arabera, “murrizketa hauen aurrean, eskubide sozialen murrizketa handi eta tamalgarri hauen aurrean, gu mezu positibo batekin etorri gara: irtenbidea badago”. Era berean, “26an mezu hori izango da gure leloa: irtenbidea badago, baina irtenbide hori guk egin beharko dugu eta estatu espainol eta frantseserik gabe”, gaineratu du.
Laburbilduz, balorazio “oso positiboa” egin dutela adierazi du zinegotziak, eta “egia da jendea oso nazkatuta dagoela. Jendearentzat lan egun oso bat galtzea oso gogorra da eta halere, jendeak erantzun du”.
Jarraipena goizean-goizetik
Kateako Arretxe-Ugalde industriagunean ez da mugimendu gehiegirik antzeman
Goizeko lehen ordutatik ibili dira pikete informatiboak Irungo industriagune ezberdinetan. German Setien LABeko ordezkariak azaldu duenez, “parte hartze zabala eduki dute piketeek, 50-60 bat lagun aritu dira industriaguneetan barrena”. Kontent agertu da Setien langileek emandako erantzunarekin.
Goiza bukatuta, egunaren lehen orduak istilurik gabe igaro dira. Arrtsaldeari dagokionez, 19:00etan abiatuko da manifestazioa Zabaltza plazatik.
